22
აპრილიდღის ზოგადი ასტროლოგიური პროგნოზი
"პალიტრაTV" მაუწყებლობას აფართოებს. ტელევიზიის გადაცემების ნახვა დღეიდან საკაბელო ოპერატორ "ა+ბ" - ს აბონენტებსაც შეეძლებათ. როგორც "ამბები.გესთან" საუბრისას "პალიტრაTV"-ს დირექტორმა, ზაზა ქანთარიამ აღნიშნა, ტელევიზია სამი თვეა, რაც საკაბელო ოპერატორ "გლობალ ტვ"-ს მეშვეობით მაუწყებლობს, ამავდროულად, მიმდინარეობს მოლაპარაკებები რამდენიმე საკაბელო ოპერატორთან, რომლებიც უახლოეს მომავალში "პალიტრაTV"-ს ქსელში ჩართავენ.
დღის განმავლობაში "პალიტრაTV"-ის ეთერი მრავალფეროვან გადაცემებს ეთმობა. ეთერში გადის საზოგადოებრივ-პოლიტიკური თოქ-შოუები და საინფორმაციო გამოშვება 12:00, 14:00 და 16:00 საათზე.
გადაცემების წამყვანებს შორის არიან, როგორც საზოგადოებისთვის ცნობილი ჟურნალისტები და პოლიტოლოგები, ასევე ახალი სახეები. საავტორო გადაცემები მიჰყავთ თამარ ცაგარეიშვილს, მარიკა დარჩიას, კოტე ჟღენტს, მერაბ მეტრეველს, გიორგი კალანდაძეს, სალომე ლილუაშვილსა და სხვა წამყვანებს.
ამასთან, გაზაფხულიდან იგეგმება ქართულ ენაზე გახმოვანებული თურქული სერიალის "ეზელის" ჩვენება.
