5
მაისიდღის ზოგადი ასტროლოგიური პროგნოზი
ცნობილი მსახიობი უმა თურმანი ჰოლივუდში ერთ-ერთ ყველაზე უცნაურ დედად არის აღიარებული. საზოგადოებრიობამ ასეთი "სტატუსი" მისთვის იმის გამო გაიმეტა, რომ უმამ ახალშობილ გოგონას მეტად უჩვეულო სახელი დაარქვა.
უმას გოგონას ჰქვია როზალინდ არუშა არკადინა ალტალუნ ფლორენს ლუნა. რასაკვირველია, ასეთი გრძელი სახელი ჩვეულებრივ ყოფაში არც ისე მოსახერხებელი უნდა იყოს.
თავად უმამ ერთ-ერთ ინტერვიუში აღნიშნა, რომ პატარას ლუნას დაუძახებენ. რთული სახელის შერჩევა კი იმით ახსნა, რომ, სავარაუდოდ, ის ბოლოჯერ გახდა დედა, ამიტომ აირჩია ყველა ის სახელი, რომლებიც მოსწონდა და ქალიშვილს დაარქვა. გარდა ამისა, გოგონას გვარიც ორი ექნება - თურმან-ბუსონი და იმისათვის, რომ ამ ბავშვის ექვსი სახელი და გვარები სრულად წარმოთქვა, კარგი ვარჯიში და მეხსიერება იქნება საჭირო.
ვინც არ იცის, უმა უკვე მესამედ არის დაქორწინებული. ორი შვილი ჰყავს მსახიობ ეტან ჰოუკისგან, მეორე ქმრისგან - 15 წლის ქალიშვილი მაია რეი და 10 წლის ვაჟი ლევონ როენი.
საერთოდ, უმა ცხოვრებაში ბევრ რამეს ირონიით ეკიდება. საყოველთაოდ აღიარებულ მოსაზრებებს თუ საკუთარ მიდრეკილებებს, ბედის გამოცდებს თუ საჩუქრებს, სილამაზეს თუ დიდებას. ბავშვისთვის სახელის შერჩევის დროსაც ალბათ "კარგ ხასიათზე" იყო.
42 წლის უმას ახლანდელი მეორე ნახევარი 49 წლის არპად ბუსონია, ბიზნესმენი და ფინანსისტი. წყვილი 2007 წლიდან ხვდებოდა ერთმანეთს და ნიშნობაც ჰქონდათ გამოცხადებული. მაგრამ 2009 წელს მოულოდნელად დაშორდნენ. ერთ წელიწადში შერიგდნენ და მას მერე არც დაშორებიან. ოფიციალურად არ დაქორწინებულან, თუმცა უმა მას ქმრად მოიხსენიებს.
ცნობისათვის, არპად ბუსონს მანამდეც მშვენიერი თანამგზავრი ჰყავდა - მისი მეგობარი ქალი ცნობილი მოდელი ელ მაკფერსონი იყო, რომელმაც ასევე გაუჩინა შვილი.
Daily Mirror
(გამოდის ორშაბათობით)
