31
მარტიდღის ზოგადი ასტროლოგიური პროგნოზი
ჰონგ კონგელმა მილიარდერმა სესილ ჩჟაო ჩე-ჩეუნგმა, რომელიც ნებისმიერ მამაკაცს, რომელიც მისი ლესბოსელი ქალიშვილის ცოლად მოყვანას შეძლებს, 65 მლნ დოლარს პირდებოდა, ამ საჩუქარს მდიდრული ვილაც დაამატა.
მართალია მაგნატმა თავდაპირველი შეურიგებელი პოზიცია შეარბილა და განაცხადა, რომ მის 33 წლის ქალიშვილ გიგი ჩჟაოს უფლება აქვს თავად გადაწყვიტოს, თუ როგორ უნდა ცხოვრება, მაგრამ მაინც იმედი აქვს, რომ ადრე თუ გვიან იგი გათხოვდება და მას შვილიშვილებს გაუჩენს.
76 წლის მილიარდერმა ჰონკონგის დასავლეთში, ამ "ბედნიერების სახლში" The Financial Times-ის ჟურნალისტები მოიწვია და აჩვენა, თუ სად შეუძლიათ იცხოვრონ მისმა მემკვიდრეებმა. თავად ჩჟაო ამ ოთხსართულიან სასახლეს "ზომიერად მდიდრულს" უწოდებს.
სახლის მისაღებში - შუშის კედლებია, საიდანაც ზღაპრული ხედი იშლება, იქვე ანტიკვარული როიალი და მოდერნისტ ანხელა ბოტელოს წყვილი ძვირფასი სკულპტურა დგას. დარბაზის ცენტრში შეკვეთით დამზადებული ორმაგი ჭაღი ჰკიდია. ოთახებს ძველი ევროპული ავეჯი ამშვენებს, რომელიც ბუდისტურ ორნამენტებთან და ჩინურ კერამიკასთანაა კონტრასტში.
მაგრამ გაგის, რომელიც შარშან პარიზში მეგობარ გოგონაზე სინ ეავზე დაქორწინდა, ეს საჩუქარი ნაკლებად ახარებს. ამჟამად, გაგი მამის დეველოპერული ჰოლდინგის Cheuk Nang-ის დირექტორია და ასევე სამოდელო სააგენტოს ხელმძღვანელობს. დიდი ხანი იგი მამის საქმიანი იმპერიის ბუნებრივ მემკვიდრედ ითვლებოდა, მაგრამ იმის გამო, რომ ჯერჯერობით უცნობია, აჩუქებს თუ არა გაგი მას მემკვიდრეებს, ბიზნესი, სავარაუდოდ, მის ერთ-ერთ ვაჟს გადაეცემა.
ჩჟაოს, როგორც თავად აცხადებს, დაახლოებით 10, 000 საყვარელი ჰყავდა. მილიარდერის თქმით, მას შვილიშვილების არარსებობა უფრო ანაღვლებს, ვიდრე ის, თუ ვისთან აქვს ურთიერთობა მის ქალიშვილს. თავად გაგი აცხადებს, რომ ბედნიერია და საკუთარი პირადი ცხოვრების შეცვლას არ აპირებს. ამასთან, მამაზე არ ბრაზობს და მშობლის საქციელს მასზე მზრუნველობით ხსნის.
მომზადებულია newsru.com-ის მიხედვით.
იხილეთ ვიდეო: ვინც ლესბოსელ ქალს ცოლად მოიყვანს, სიმამრი 65 მილიონს აჩუქებს
