მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ბექა ბროლაძე და მარიკა თხელიძე მეორე დუეტისთვის ემზადებიან
23:15 / 30-01-2013
მომღერლებმა ბექა ბროლაძემ და მარიკა თხელიძემ ერთი დუეტი, ჯამიროქუაის ცნობილი სიმღერის ქავერი უკვე ჩაწერეს, თუმცა როგორც ბექამ მითხრა, სიმღერა საკუთარ თავს მოარგეს და სოლოდან დუეტად გადააკეთეს, არანჟირებაც სულ სხვანაირი გაკეთდა და რადიო თუ ტელეეთერში პრემიერაც შედგა, თუმცა მარინა ბერიძის რჩევით, ბექამ და მარიკამ ამ სიმღერაზე კლიპის გადაღება არ ისურვეს და ახალი, ამჯერად ქართული, ორიგინალური სიმღერის ჩაწერაზე დაიწყეს ზრუნვა. სწორედ ამ სიმღერაზე გადაიღებენ კლიპს.
ბექა ბროლაძე:
- მე და მარიკას დიდი ხანია გვინდოდა დუეტის ჩაწერა. არ გვიფიქრია, რომ რომელიმე ქართველი კომპოზიტორისთვის მიგვემართა და სიმღერის დაწერა გვეთხოვა. გვსურდა, კარგი ქავერი გაგვეკეთებინა, ოღონდ საკუთარი ინტერპრეტაციით და არა კოპირებით. გადავწყვიტეთ, ჯამიროქუაის სოლოსიმღერა, ბად გირლს აგვეღო და სწორედ მასზე გაგვეკეთებინა ქავერი. კობა მესხიამ სრულიად განსხვავებული არანჟირება მოგვიმზადა. ვფიქრობთ, რომ კარგი ქავერი გამოვიდა და ეს ნამდვილად ჩვენი ვერსიაა. ექსპერიმენტი იყო და გაამართლა. კარგი გასაჯაზებელი სიმღერა გამოვიდა (იღიმება).
- შენ და მარიკა დიდი ხანია ერთმანეთს იცნობთ?
- საკმაოდ დიდი ხანია. მე ხუთი წელი ჯანო კახიძის ბიჭუნათა კაპელაში ვმღეროდი. მარიკამ მიშა მდინარაძის პროექტი "აჭარა მიუზიქ ჰოლში" გააკეთა, მიხვდი ალბათ, რამდენი წლის წინანდელ ამბავზე გეუბნები, იქ ჯერ კიდევ კლუბი ფუნქციონირებდა. მაშინ ბიჭუნათა კაპელიდან რამდენიმე მომღერალი აგვარჩიეს და მარიკასთან ერთად გამოვდიოდით. სწორედ იქ გავიცანი მარიკა.
- კლიპის გადაღება არ გინდათ დუეტზე?
- გვინდოდა, გადასაღები ადგილებიც შევარჩიეთ. კლიპი ახალგაზრდა რეჟისორ მიშა ჭიჭიბოშვილს უნდა გადაეღო, მაგრამ ვინაიდან ყველაფერზე რჩევას მარინა ბერიძეს ვეკითხები, ახლაც ასე მოვიქეცი. მას დუეტი მოვასმენინე. სხვათა შორის, ძალიან მოეწონა ეს დუეტი. სხვა სიმღერებზე ასეთი მოწონება არ გამოუხატავს, თუმცა გვირჩია, რადგან ქავერია, კლიპი არ გადაიღოთ, რადგან შესაძლოა, "იუთუბზე" განთავსების შემთხვევაში საავტორო უფლებებზე მცირეოდენი პრობლემა შეგექმნათო. ამიტომაც ამ სიმღერის პრემიერა "იმედის დილაში" შედგა, ერთ-ერთმა რადიომ კი ექსკლუზივი აიღო და ატრიალებს საკუთარ ეთერში, მაგრამ მარინა ბერიძემ გვითხრა, კარგი იქნება, ქართულენოვან დუეტს თუ გააკეთებთ და კლიპს გადაიღებთო. ეს იდეა მოგვეწონა და ახლა ამაზე ვმუშაობთ. გვინდა, რომელიმე ქართველმა კომპოზიტორმა სპეციალურად ჩვენთვის დაწეროს სიმღერა. ამ დუეტის გაკეთებას ახლო მომავალში ვგეგმავთ.
DJ ბუკლე
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საპროტესტო აქციებზე დაკავებული მომიტინგეების ოჯახის წევრები 8 აპრილს დაგეგმილი დემონსტრაციისთვის ემზადებიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
