27
მარტიდღის ზოგადი ასტროლოგიური პროგნოზი
ჟურნალისტი დავით პაიჭაძე თეთრიწყაროს რაიონში მდებარე საკუთარი აგარაკის გაქურდვის ფაქტს "ფეისბუქით" გამოეხმაურა.
"აგარაკზე ვარ, გაქურდულია. საქართველოს მთავრობავ, შე კარგო, შე კეთილო, შე კარგი დედის შვილო, შეძლებ ამიხსნა, რატომ არ მომხდარა ეს აქამდე, 7 წლის მანძილზე, რაც ეს სახლი მაქვს? მირჩევენ, გაგებით მოვეკიდო. დამეკიდეთ, მაგ თქვენი გაგებით...
ჩემი სათქმელი მარტივია: მოწოდება "გაგებით მოეკიდეთ კრიმინალის ზრდას" არის არაპირდაპირი სანქცია კრიმინალის წასახალისებლად და არის ამავე დროს აღმასრულებელი ხელისუფლების ერთ-ერთი სამოქმედო ფორმულა. ბუნებრივია, განსხვავებულად მოვეკიდები ხელისუფლებებს, რომელთაგან ერთი აცხადებს დანაშაულის მიმართ ნულოვან ტოლერანტობას, ხოლო მეორე - კრიმინალის ზრდასთან ფაქტობრივ შეგუებას. პირველის პოლიტიკა, ბუნებრივია, ნულამდე ვერ დაიყვანს დანაშაულს, მეორის მიდგომები უბიძგებს დანაშაულის ჩადენისაკენ", - წერს დავით პაიჭაძე.
თეთრიწყაროს რაიონის სოფელ ამლევში ჟურნალისტ დავით პაიჭაძის სახლი გაქურდეს. როგორც პაიჭაძემ განაცხადა, წაღებულია სხვადასხვა სახის ნივთები. მისივე თქმით, მას მიადგა როგორც მატერიალური, ისე მორალური ზიანი.
