4
მაისიდღის ზოგადი ასტროლოგიური პროგნოზი
მთავარმა პროკურატურამ პოლიტდევნილთა სტატუსის მქონე 25 პირიდან 9-ის მიმართ ინტერპოლით გამოცხადებული წითელი ცირკულარით ძებნა შეწყვიტა. ეს პირები არიან: მიხეილ ქარელი, ბიძინა გიორგობიანი, ჯემალ ქარქუსოვი, გიორგი ქადაგიშვილი, ლევან ფხაკაძე, გურამ გოგუა, მელიქ რაისიანი, ილია რამიშვილი და იასონ ჩიხლაძე.
პოლიტდევნილის სტატუსი მიენიჭა: გიორგი ქადაგიშვილს, გენადი არჩუაძეს, ბიძინა გიორგობიანს, გელა ნასყიდაშვილს, მიხეილ ქარელს, იასონ ჩიხლაძეს, ლევან ფხაკაძეს, ქიბარ ხალვაშს, ნიაზ ხალვაშს, მარინე ჭყონიას, ბადრი ბიწაძეს, ზურაბ გიგუაშვილს, გურამ გოგუას, ნიკა გელაშვილს, თემურ გიგაშვილს, მელიქ რაისიანს, გოჩა ვეტრიაკოვს, დავით ბეგიაშვილს, იანიკ ქარქუსოვს, ჯემალ ქარქუსოვს, ტარიელ ხალვაშს, მალხაზ ბაბლიძეს, ილია რამიშვილს, თეიმურაზ შენგელიას და გიგლა ბარამიძეს.
დღესდღეობით ინტერპოლის წითელი ცირკულარით ძებნილთა სიაში არიან:
იგორ გიორგაძე
(დაიბადა 23.06.1950წ.)
1995 წლის სექტემბერში პრეზიდენტ ედუარდ შევარდნაძეზე განხორციელებული თავდასხმის შემდეგ, უშიშროების ყოფილმა მინისტრმა იგორ გიორგაძემ ქვეყანა დატოვა. მას თავდასხმის ორგანიზებაში დაედო ბრალი, რის გამოც ინტერპოლის მიერ იძებნება. იგორ პანტელეიმონის ძე გიორგაძე იძებნება გენერალური პროკურატურის მიერ საქართველოს რესპუბლიკის სისხლის სამართლის კოდექსის მე-17 მუხლით (პასუხისმგებლობა დანაშაულისთვის მზადებისა და დანაშაულის ჩადენის მცდელობისთვის) და 67-ე მუხლი (ტერორისტული აქტი) გათვალისწინებული დანაშაულის ჩადენისათვის.
თემურ ბასილია
(10.03.1957 წ.)
ექსპრეზიდენტ ედუარდ შევარდნაძის ეკონომიკური მრჩეველი. კურატორობდა სიღარიბის დაძლევის პროგრამის შემუშავებას და მის განხორციელებას. 2006 წლიდან თემურ ბასილია ინტერპოლის მიერ წითელი ცირკულარით იძებნება. 2008 წლის ზაფხულში მას თბილისის საქალაქო სასამართლომ დაუსწრებლად მიუსაჯა 9-წლიანი პატიმრობა. თემურ ბასილია ხუთი წელია, ამერიკაში ცხოვრობს. ბასილია საქართველოს გენერალური პროკურატურის საგამოძიებო ნაწილის მიერ სამსახურებრივი უფლებამოსილების გადამეტების, სამსახურებრივი გულგრილობისა და თაღლითობის ბრალდებით იძებნება.
ასლან აბაშიძე
(20.07.1938 წ.)
აჭარის ავტონომიური რესპუბლიკის მმართველი 1991-2004 წლებში. აჭარაში მასობრივი საპროტესტო გამოსვლების შემდეგ, 2004 წლის 6 მაისიდან, ცხოვრობს რუსეთში. 2005 წლის დეკემბერში საქართველოს გენერალურმა პროკურატურამ ასლან აბაშიძის წინააღმდეგ სისხლის სამართლის საქმე აღძრა და მასზე ძებნა გამოაცხადა. მას ტერორიზმსა და კორუფციაში დასდეს ბრალი. 2007 წლის 22 იანვარს ბათუმის საქალაქო სასამართლომ ასლან აბაშიძეს დაუსწრებლად მიუსაჯა 15 წლით თავისუფლების აღკვეთა და 60 მილიონი დოლარის გადახდა დააკისრა. ასლან აბაშიძეს ბრალი ედება ორგანიზებულ დანაშაულში, ტერორიზმსა და თაღლითობაში, სამსახურებრივი უფლებამოსილების ბოროტად გამოყენებაში, თანხების მითვისება-გაფლანგვაში.
ლევან მამალაძე
(17.01.1968 წ.)
1994-2003 წლებში პრეზიდენტის ყოფილი რწმუნებული ქვემო ქართლის რეგიონში. მას პროკურატურამ 32 ეპიზოდში წაუყენა ბრალი, მათგან 31 ქრთამის აღებას, ხოლო ერთი _ საარჩევნო ბიულეტენების განადგურების ორგანიზებას ეხებოდა. მის მიერ გამოძალული ქრთამის ოდენობა, გამოძიების მონაცემებით, 600 ათას ლარს აღემატება. მამალაძეს ქართული ოქროს (27 ოქროს ზოდის) განიავება-მითვისებაშიც დასდეს ბრალი. ლევან მამალაძე 2004 წლიდან იძებნება. მას ბრალად ედება ფინანსურ მაქინაციებში მონაწილეობა და სამსახურებრივი უფლებამოსილების გადამეტება.
ზურაბ ლობჟანიძე
(30.07. 1964 წ.)
სახელმწიფო საწარმო "მადნეულის" ყოფილი გენერალური დირექტორი და "კვარციტის" აქციების მფლობელი. 2003 წლიდან მის და ქვემო ქართლის ექსგუბერნატორ ლევან მამალაძის წინააღმდეგ აღიძრა სისხლის სამართლის საქმე საზღვარგარეთ ოქროს უკანონო გატანის გამო. როგორც ამბობენ, ლობჟანიძე 2004 წლიდან შვეიცარიაში იმყოფება. იძებნება საქართველოს სსკ-ის 25-ე, 210-ე მუხ. მე-2 ნაწილის "ა" ქვეპუნქტით (ყალბი საკრედიტო ან საანგარიშსწორებო ბარათის დამზადება, გასაღება ან გამოყენება) გათვალისწინებული დანაშაულის ჩადენისათვის.
იოსებ თოფურიძე
(4.05. 1962 წ.)
კუდ-ის უფროსის ყოფილი მოადგილე იოსებ ვალერის ძე თოფურიძე იძებნება საქართველოს მთავარი პროკურატურის ანტიკორუფციული დეპარტამენტის მიერ, საქართველოს სისხლის სამართლის კოდექსის 333-ე მუხლის მე-3 ნაწილის "ბ" და "გ" ქვეპუნქტით გათვალისწინებული დანაშაულის ჩადენისათვის _ თავისუფლების უკანონოდ აღკვეთის, წამებისა და სამსახურებრივი უფლებამოსილების გადამეტებისათვის.
ოლეგ მელნიკოვი
(14.02. 1966 წ.)
შსს-ს მაღალჩინოსანი ოლეგ ვლადიმერის ძე მელნიკოვი იძებნება საქართველოს მთავარი პროკურატურის ანტიკორუფციული დეპარტამენტის მიერ, საქართველოს სისხლის სამართლის კოდექსის 333-ე მუხლის მე-3 ნაწილის "ბ" და "გ" ქვეპუნქტებით გათვალისწინებული დანაშაულის ჩადენისათვის. მას თავისუფლების უკანონოდ აღკვეთაში, წამებასა და სამსახურებრივი უფლებამოსილების გადამეტებაში ედება ბრალი.
ალექსანდრე გოცირიძე
(18.03.1946წ.)
გაზის საერთაშორისო კორპორაციის ყოფილ უფროსს ბრალი თაღლითობაში ედება. იგი იძებნება გენერალური პროკურატურის საგამოძიებო ნაწილის მიერ, საქართველოს სსკ-ის 220-ე მუხლით (უფლებამოსილების ბიოროტად გამოყენება) გათვალისწინებული დანაშაულის ჩადენისათვის.
ყოველკვირეული გაზეთი "ყველა სიახლე"
(გამოდის ოთხშაბათობით)
