4
მაისიდღის ზოგადი ასტროლოგიური პროგნოზი
ამერიკელმა სპეციალისტებმა რამდენიმეტონიანი ბუნკერსაწინააღმდეგო ბომბი გააუმჯობესეს. ჩატარებული სამუშაოების წყალობით, რომლებზეც 82 მილიონი დოლარი დაიხარჯა, მისი ეფქტურობა რამდენადმე გაიზარდა.
MOP-ის ტიპის ბომბის შექმნა ამერიკელებმა 2002 წელს დაიწყეს. მასზე "ლოქჰიიდ მარტინი" და "ბოინგი" ერთობლივად მუშაობდნენ. 2007-ში აშშ-ის ერთ-ერთ პოლიგონზე ახალი ბომბი პირველად გამოცადეს. ოთხი წლის თავზე, 2011-ში ის შეიარაღებაში მიიღეს და ნიშნული GBU-57 მიანიჭეს. ბომბი სპეციალურად მიწისქვეშ მდებარე ბუნკერების გასანადგურებლად იყო განკუთვნილი. სპეციალისტთა აზრით, ის ჩრდილო კორეისა და ირანის მიწისქვეშა სამხედრო ინფრასტრუქტურის გასანადგურებლად შეიქმნა. არსებული ცნობებით, ბომბის შექმნასა და გამოცდაზე ამერიკული ბიუჯეტიდან დაახლოებით 400 მილიონი დოლარი დაიხარჯა. დღეს ამერიკის სტრატეგიული ავიაციის განკარგულებაში 20 ასეთი ბომბია.
ბომბის სიგრძე 6,2 მეტრია და ის 13600 კილოგრამს იწონის, საიდანაც 2500 კილოგრამი საბრძოლო ნაწილზე მოდის. მაღალი სიმტკიცის ფოლადისგან დამზადებული კორპუსის წყალობით, საბაზო მოდიფიკაციაში ბომბს აფეთქებამდე 8-დან 60 მ-მდე სისქის არმირებული ბეტონის (მისი სიმკვრივიდან გამომდინარე) ან კლდოვანი ქანების გარღვევა შუძლია. სამიზნეზე ბომბის დამიზნება თანამგზავრული სანავიგაციო სისტემით ხდება. არსებული ცნობებით, ერთი GBU-57 საშუალოდ 3,5 მილიონი აშშ დოლარი ღირს.
დღეისთვის GBU-57-ის გამოყენება მხოლოდ B-2A-ს ტიპის ბომბდამშენებს შეუძლიათ. სავარაუდოდ, ირანთან ურთიერთობის გაფუჭებისა და მოვლენების სამხედრო დაპირისპირებაში გადასვლის შემთხვევაში, თეირანის ბირთვულ ობიექტებზე იერიშს სწორედ ამ ბუნკერსაწინააღმდეგო ბომბებით მიიტანენ.
მოამზადა ნუკრი მგელაძემ lenta.ru-ის მიხედვით.
