მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რას ფიქრობს გია ნიკოლაძე ფხიზელ ადამიანებზე
23:15 / 18-01-2013
მომღერალი გია ნიკოლაძე მალე მსმენელს 2 ახალ სიმღერას და პოემას - "ქართ ზღაპარი ანი-ბანი" შესთავაზებს, ამჯერად კი გვიამბობს, თუ რატომ გადმოხტა 22 მეტრის სიმაღლიდან, რას უფრთხილდება ყველაზე მეტად და რატომ ურეკავენ შეზარხოშებული, თითქმის უცნობი ადამიანები ღამის 3 საათზე?..
- დაბადების თარიღი...
- ...1964 წლის 21 მარტი.
- ბავშვობაში მინდოდა გამოვსულიყავი...
- ...გამომგონებელი. ჩემს ბავშვობაში გასართობები ნაკლებად იყო და საწერ-კალამიც მელანში უნდა ჩაგეწო; ფერადი ტელევიზორიც კი მერე გამოვიდა.
- ჩემზე ამბობენ...
- ...ის რომ გითხრა, რაც ყურში ხშირად მესმის, მეტიჩრობა გამომივა. ამბობენ, "მაგარი კაციაო", მაგრამ ეს არ დაწერო. ჩემზე იმასაც ამბობენ, - სმა უყვარსო. ჰოდა, ვაღიარებ, ალკოჰოლი მიყვარს. ვფიქრობ, ქვეყანა ფხიზელი კაცის დაქცეულია. ნასვამი ყველაზე "ნაღდი" ვარ.
- თვისება, რომელიც ჩემს თავში ყველაზე მეტად მომწონს...
- ...დიდი ნებისყოფაა.
- ცხოვრებას თავიდან რომ ვიწყებდე...
- ...არაფერს შევცვლიდი. როგორც მიცხოვრია, ისე ვიცხოვრებდი.
- ჩემზე გავლენა იქონია...
- ...იმ მომენტმა, როცა აღმოვაჩინე, რომ დედამიწა ცოცხალი ორგანიზმია.
- ბედნიერი ვარ, როცა...
- ...ჩემი მეუღლე, შვილები, მეგობრები, ახლობლები კარგად არიან.
- ვიბნევი, როცა...
- ...არც კი ვიცი, როდის ვიბნევი. არ მახსოვს, ბოლო დროს ეს როდის დამემართა... ლამაზი ქალის დანახვისას ნამდვილად არ ვიბნევი და არც უცხო საზოგადოებაში ყოფნა მაკომპლექსებს.
- როცა მარტო ვარ...
- ...ყველანაირი ნიღაბი მოხსნილი მაქვს. ზოგადად, განმარტოება მიყვარს ხოლმე.
- ძილის წინ ყოველთვის...
- ...ვუყურებ ტელევიზორს.
- წონასწორობიდან გამოვდივარ, როცა...
- ...ასეთი რამ იშვიათად მემართება. მშვიდი, მყარი ნერვების პატრონი ვარ, მაგრამ ჩემთვის ძალიან ახლობელ და საყვარელ ადამიანებს ვინმე ცუდად თუ შეეხება, წონასწორობიდან გამოვალ კი არა, არ ვიცი, რა დამემართება.
- მე ვარ შეუმდგარი...
- ...მუსიკოსი. მინდა, გაცილებით მეტს ვაკეთებდე.
- მეზარება...
- ...სიზარმაცე და ზარმაცი ხალხი.
- მაღიზიანებენ...
- ...მატრაკვეცა ადამიანები. ორჯერ ნანახი პიროვნებები ღამის 3 საათზე, მთვრალები რომ მირეკავენ და რესტორანში სიმღერის - "უბერავს", მოსმენის მერე ჩემთან დარეკვით რომ მატრაკვეცობენ, აი, ასეთი უზრდელი ადამიანები მაღიზიანებენ.
- ამ წუთში ძალიან მინდა ვიყო...
- ...იქ, სადაც ვარ, - ანუ სახლში.
- დათმობა შემიძლია, თუ...
- ...ეშმაკთან არ მაქვს საქმე. ადამიანებთან ურთიერთობაში დამთმობი ვარ; იშვიათად ვჯიუტდები.
- ვერაფრით ვისწავლე...
- ...ინგლისური ენა და კომპიუტერში კლიპის მონტაჟი.
- დაშვებული შეცდომების...
- ...გამოსწორებას ვცდილობ. თუმცა, ზოგჯერ ვიმეორებ კიდეც.
- ცრუმორწმუნე არ ვარ, მაგრამ...
- ...ლოცვა ხომ არსებობს?! ჰოდა, იმისიც მჯერა, რომ წყევლაც არსებობს და ორივეს დიდი ძალა აქვს.
- ბოლოს მესიზმრა...
- ...ჩემი ძველი სახლი. საერთოდ, სიზმარს ხშირად ვნახულობ და უმეტესად იმ სახლში ვარ, სადაც ადრე ვცხოვრობდი.
- ძალიან მინდა...
- ...ჩემი პოემა - "ქართ ზღაპარი ანი-ბანი", რომელსაც მალე გამოვცემ, ყველამ წაიკითხოს.
- არავისთან ვლაპარაკობ...
- ...სხვის პირად ცხოვრებაზე.
- არ მჩვევია...
- ...ზურგს უკან ლაპარაკი.
- სიყვარული ეს...
- ...ღმერთია. "ღმერთი სიყვარულს არ კრძალავს, ის თვითონ სიყვარულია".
- ჩემი ყველაზე დიდი სისუსტე...
- ...სისუსტეებია.
- ყოველთვის შეუძლია კარგ ხასიათზე დამაყენოს...
- ..."ბალახმა". მე და ბალახი, ძროხა და ბალახი, ცხენი და ბალახი განუყრელი მეგობრები ვართ.
- ცხოვრებაში რისკზე...
- ...ხშირად მივდივარ. მომწონს ექსტრიმი. ერთხელ ტეხურაზე 22 მეტრი სიმაღლიდან გადმოვხტი: იქ ვქეიფობდი, რამდენჯერმე ვცადე გადმოხტომა და უკან დავიხიე; მერე გავიგონე, ვიღაცები ამბობდნენ: ვერ გადმოხტება, ვერ გადმოხტებაო. ჰოდა, ავდექი და "გადმოვფრინდი".
- როცა საჯაროდ მაქებენ...
- ...ვიმორცხვებ და დალევა მინდება.
- მეშინია...
- ...ემანდ რამე არ შემეშალოს.
- ჩემი ყველაზე დიდი ტკივილი...
- ...ჩემი გარდაცვლილი მეგობრები არიან.
- ხშირად მსაყვედურობენ...
- ...რომ ბევრს ვსვამ და ვთვრები. თრობის პროცესში რა სიამოვნებას ვნახულობ? - არ ვიცი. ალბათ, ეს სიტუაციიდან გაქცევის ერთგვარი ფორმაა; როცა მინდება, რომ გავითიშო, მაშინ ვთვრები.
- როცა შეყვარებული ვარ...
- ...მიხარია. პირველი სერიოზული სიყვარული 25 წლისას მეწვია. ის გოგო დღეს ჩემი მეუღლეა და მთელი სიცოცხლე მეყვარება.
- ვუფრთხილდები...
- ...ოჯახს, ძმაკაცობას...
- ვერავინ მაიძულებს...
- ...იმ აზრის შეცვლას, რომელიც ჩემს პოემაში დევს.
- ცხოვრებას ვილამაზებ...
- ...მეგობრებით.
- რამდენიც უნდა გადამიხადონ...
- ...ერთ ადგილს ვერავის მივცემ.
- ბევრი ფული რომ მქონდეს...
- ...ეს ყველას მაგრად "გაგვისწორდებოდა". მერწმუნე, მთელ თანხას ბოლო "კაპიკამდე" გავფანტავდი, გავფლანგავდი. ფული არ მიყვარს, დიდი ჭირია.
- დარიგება, რომელიც არასდროს დამავიწყდება...
- ...ამ წუთში პატრიარქის სიტყვები მახსენდება: "ღმერთი, სამშობლო, ადამიანი".
- დაბოლოს, გეტყვით, რომ...
- ...მიყვარხართ.
თამუნა კვინიკაძე
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
