22
აპრილიდღის ზოგადი ასტროლოგიური პროგნოზი
შიდა ქართლის გუბერნატორმა სულხან სიბაშვილმა 26 თანამშრომელს საახალწლო პრემიები 2012 წლის 17 დეკემბერს დაურიგა. ამის შესახებ ინფორმაციას რწმუნებულ-გუბერნატორის აპარატი ავრცელებს. როგორც საფინანსო განყოფილების უფროსი მაია სამნიაშვილი აცხადებს, 2013 წლიდან რწმუნებულ-გუბერნატორი და მისი აპარატის თანამშრომლები ყოველთვიურ პრემიას ვეღარ აიღებენ.
2008 წლიდან დღემდე, გუბერნატორ ლადო ვარძელაშვილის დამკვიდრებული პრაქტიკით, რწმუნებულ-გუბერნატორი ხელფასის ოდენობის პრემიას, ზოგჯერ უფრო მეტს - ყოველთვიურად იღებდა.
დეკემბერში გუბერნატორმა სიბაშვილმა ხელფასზე მეტი პრემია -2 500 ლარი აიღო. მისმა ოთხმა მოადგილემ - ბადრი ბასიშვილმა, ზურაბ ჩხეიძემ, გიორგი კვიწინაძემ და ალექსი გოგლიძემ 2 250 -2 250 ლარი აიღეს. პრემია 1163 ლარის ოდენობით საგანგებო სიტუაციების მართვის სამსახურის უფროსმა კახა ლომიძემ მიიღო.
ყველაზე ცოტა - თეონა მაისურაძემ და სოფიო პავლიაშვილმა აიღეს (338-338 ლარი). ისინი ადმინისტრაციული სამსახურის სპეციალისტები არიან. ადმინისტრაციული ორგანოს დამლაგებელს პრემია არ მისცეს.
