იორმუღანლოელებს მრავალცოლიანობა არ მოსწონთ
მუსლიმანური რელიგია რომ მრავალცოლიანობას არ კრძალავს, ეს ყველასთვის კარგადაა ცნობილი. არაერთ მაჰმადიანურ ქვეყანაში ეს ტრადიცია, სახელმწიფოს კონსტიტუციური უფლებით აქვს გამყარებული. უკვე მრავალი წელია, რაც საგარეჯოს მუნიციპალიტეტში ეთნიკური აზერბაიჯანელები ცხოვრობენ. ბოლო პერიოდში ქართულ ტელეარხებზე, სხვადასხვა თოქშოუებში, ხშირად საუბრობენ, რომ ეთნიკური აზერბაიჯანელები საქართველოს კანონმდებლობაში ცვლილების შეტანას და მრავალცოლიანობის დაშვებას ითხოვენ.
მრავალცოლიანობის ოფიციალურ დაკანონების მოთხოვნას არ უერთდებიან და არც ეს ტრადიცია მოსწონთ იორმუღანლოელ აზერბაიჯანელებს.
"რაღა დროს მეორე და მესამე ცოლია. ისე გაჭირდა ცხოვრება, ზოგი ერთს ვერ ინახავს. თანაც ქალები იჩხუბებენ ერთმანეთში. ვის აქვს მათი გაშველების ნერვები?",- ამბობს იორმუღანლოს მკვიდრი ნასიბ ალახვერდიევი.
”სპექტრი”
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
