მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კინემატოგრაფია ახალ სიჩქარეზე გადადის
04:09 / 03-01-2013
ჯერ კიდევ 2012 წლის აპრილში, რეჟისორმა ჯეიმს კამერონმა განაცხადა, რომ კინოში დიდი რევოლუცია მოხდება. CinemaCon-ის კინოთეატრების წარმომადგენელთა ყრილობაზე, რეჟისორმა კინემატოგრაფიის მომავალს მთელი პრეზენტაცია მიუძღვნა. თუ ადრე წამში 24 კადრს ვხედავდით, ახლა სიჩქარე წამში 48 ან 60 კადრამდე გაიზრდება.
"ტიტანიკისა" და "ავატარის" ავტორმა იცის, რაზეც საუბრობს. სწორედ ის იყო პირველი, ვინც 2005 წელს ციფრული 3D ერის დადგომა გამოაცხადა, 2009 წელს კი ეკრანებზე უკვე "ავატარი" გამოვიდა სამ განზომილებაში.
წამში 24 კადრიანი სისწრაფე, 1920-იანი წლების ბოლოს დამკვიდრდა, როდესაც კინემატოგრაფში გაჩნდა ხმა. მას შემდეგ ეს სიჩქარე არ შეცვლილა. ამ სიჩქარეზე სურათს ადამიანის ტვინი "კინემატოგრაფულად" აღიქვამს. სწორედ ამიტომ, ზოგიერთი ჩვენგანი 3D-იანი ფილმების ყურებისას დისკომფორტს განიცდის. წამში 48 ან 60 კადრიანი გამოსახულება, ფილმს უფრო რეალისტურს ხდის.
პიტერ ჯექსონმა მისი ახალი სურათი "ჰობიტი: მოულოდნელი მოგზაურობა", 48 კადრიან სისწრაფეზე გადაიღო.
"თავდაპირველად გამოსახულება ცოტა უცნაურად გეჩვენებათ, რადგან აქამდე მსგავსი არაფერი ყოფილა. ეს სრულიად ახალი გამოცდილებაა, მაგრამ მას მალევე ეჩვევი", - განაცხადა ჯექსონმა.
"უყურო 3D-ს იგივეა, რაც იყურო ფანჯარაში. ახალი ტექნოლოგია კი იგივეა, რაც ამოიღო ჩარჩოდან მინა და უყურო პირდაპირ რეალობას", - აცხადებს კამერონი.
"ავატარის" მეორე ნაწილის გადაღება 2013 წლის ბოლოს, 60 კადრიან სიჩქარეზე იგეგმება.
ახალი ტექნოლოგია შედარებით გააძვირებს კინოს გადაღებას, ვინაიდან პოსტპროდაქშენი, ანუ ყოველი კადრის ცალკე დამუშავება უფრო მეტ თანხებს მოითხოვს. თუმცა ფასი მხოლოდ 10%-ით გაიზრდება. ახალი ტექნოლოგიები კინოთეატრებისგან აპარატურის განახლებასაც მოითხოვს.
მომზადებულია Focus-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
