მილა იოვოვიჩმა საბჭოთა ბავშვობა გაიხსენა

ჰოლივუდის ცნობილი ვარსკვლავი მილა იოვოვიჩი 30 წლის წინ, მილიონობით საბჭოთა ბავშვის მსგავსად, თეთრი ბაფთებით დადიოდა. ვარსკვლავმა მიკრობლოგ "ტვიტერში" ბავშვობის ფოტო გამოაქვეყნა და კომენტარიც დაურთო.

"ვიპოვე ჩემი ბავშვობის ფოტო, რომელიც 70-იანი წლების რუსეთშია გადაღებული. ფოტო ისეთი დეპრესიული და კომუნისტურია! ძალიან საყვარელია!" - ასე დააკომენტარა მსახიობმა ფოტოსურათი.

მილა იოვოვიჩი 5 წლამდე კიევში ცხოვრობდა. შემდეგ მშობლებთან ერთად ლოს-ანჯელესში გადავიდა. ვარსკვლავი იხსენებს, რომ მიგრაციის შემდეგ, სკოლაში აქცენტის გამო დასცინოდნენ.

"კომუნისტს და რუს შპიონს მეძახნდნენ. არავის არ სურდა ჩემთან მეგობრობა, არ მიღებდნენ მათ წრეში", - განაცხადა ვარსკვლავმა ერთ-ერთ ინტერვიუში.

ლოს-ანჯელესში გადასვლის შემდეგ მილას დედა რეჟისორ ბრაიან დე პალმასთან მოსამსახურედ მუშაობდა, ხოლო მამა ფინანსური მაქინაციების გამო ციხეში იჯდა. იოვოვიჩს სკოლის მიტოვება მოუხდა. 11 წლის ასაკში მან სამოდელო კარიერა დაიწყო და 13 წლის ასაკში პირველი კონტრაქტი გააფორმა.

მომზადებულია spletnik.ru-ს მიხედვით.