მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სანდრო მრევლიშვილი: "თეატრი აბანო ხომ არ არის?!"
23:04 / 22-12-2012
თეატრალურ სამყაროში მიმდინარე პროცესებზე გვესაუბრება "თეატრის შესახებ კანონში" ცვლილებების ერთ-ერთი თანაავტორი, რეჟისორი სანდრო მრევლიშვილი:
- რით არის განპირობებული "თეატრის შესახებ კანონში" ცვლილებების შეტანა?
- დღევანდელი კანონი ვერ აკმაყოფილებს თანამედროვე თეატრის მოთხოვნებს; მასში ზოგადი იურიდიული ნორმები, შესაძლოა, დაცულია, მაგრამ არ არის გათვალისწინებული თეატრის მხატვრული, შემოქმედებითი მხარე, სამხატვრო ხელმძღვანელის ფუნქცია. და რაც მთავარია - თეატრში პირველი პირი სწორედ სამხატვრო ხელმძღვანელი უნდა იყოს, თეატრს სათავეში შემოქმედი უნდა ედგეს, რაც აქამდე მოქმედ კანონში მკაფიოდ არ ჩანს. ამის წინააღმდეგია ის, ვინც უნიჭოა, ვინც ამბიციით არის სავსე და, რბილად რომ ვთქვათ, შემოქმედებითი იდეებით აღსავსე არ არის. მმართველის ინსტიტუტი წინა ხელისუფლებამ გარკვეული მიზნით შემოიღო, მათ შორის, იდეოლოგიური. რა მიიღო ამით საზოგადოებამ, ქართულმა თეატრმა? რუსთაველის სახელმწიფო აკადემიური თეატრი "ტანცპლაშჩადკად" გადაიქცა, ან რას ჰგავს სახელმწიფო თეატრების რეპერტუარები? ამის მიზეზი კი ისიც არის, რომ თეატრებს არ ჰყავთ სამხატვრო ხელმძღვანელები, გარდა ზოგიერთი გამონაკლისისა. იქ, სადაც მმართველები სამხატვრო ხელმძღვანელებიც არიან, შემოქმედებითი ცხოვრება, ასე თუ ისე, მიმდინარეობს. ხოლო სადაც მმართველებად ფუნქციონერები არიან, იქ მდარე სპექტაკლები იდგმება, მით უმეტეს, რომ ჩვენი თეატრები რეპერტუარული თეატრებია, რეპერტუარი კი თეატრის მხატვრულ სახეს უნდა წარმოადგენდეს, გარკვეულ კონცეპტუალურ იდეას ეფუძნებოდეს, ეს ყველაფერი კი მმართველების ხელში მკვდარია. ნურავინ ეცდება დაამტკიცოს, რომ თეატრს სამხატვრო ხელმძღვანელის გარეშე არსებობა შეუძლია, თეატრი აბანო ხომ არ არის? თეატრალური ხელოვნება კოლექტიური ხელოვნებაა და ამ კოლექტივს სათავეში ხელოვანი უნდა ედგეს.
- მაგრამ ვის კომპეტენციაში იქნება სამეურნეო-საფინანსო საკითხების გადაჭრა. ხომ არ გახდება სამხატვრო ხელმძღვანელი ერთპიროვნული მმართველი?
- სამხატვრო ხელმძღვანელმა თეატრის ძირითადი მიმართულებები უნდა განსაზღვროს, მისი პროგრამა კი თეატრის დირექტორმა უნდა აღასრულოს, და არა პირიქით, როცა სამეურნეო პროექტებს შემოქმედებითი ჯგუფი უზრუნველყოფდა.
- ხომ არ მოჰყვება ცვლილებებს "კანონში თეატრის შესახებ", იმ რეჟისორებისა თუ მმართველების თანამდებობიდან გათავისუფლება, რომელთაც განსხვავებული პოლიტიკური თვალსაზრისი აქვთ და წინა ხელისუფლების ფავორიტები იყვნენ?
- ჯერჯერობით ამგვარი არაფერი მომხდარა. საბოლოო გადაწყვეტილებას კულტურის სამინისტრო, მთავრობა იღებს. ერთი რამ ცხადია - თეატრალურ ცხოვრებაში ბევრი რამ უნდა შეიცვალოს, ცხადია, კანონის ფარგლებში.
ნინო კვიტაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
