ქეთა თოფურია სცენაზე საცურაო კოსტუმით გავიდა

რუსეთში მოღვაწე ქართველი მომღერალი ქეთა თოფურია ჩაცმის სტილით მაყურებელს ხშირად აოცებს, თუმცა ამჯერად მეტისმეტი მოუვიდა.

ტრადიციული საახალწლო შოუს - "Рождественская песенка года", გადაღებებისთვის თითქმის ყველა მომღერალმა ფიფქიას ფორმა შეარჩია. ქეთამ კი ეპატაჟური საახალწლო კოსტუმი ჩაიცვა. მაყურებლები, რომლებიც კონცერტის გადაღებებს თვალს ადევნებდნენ, ცდილობდნენ გამოეცნოთ, ვის განასახიერებდა ქეთა - დაფნის გვირგვინის სტილის ბრინჯაოსფერი თავსაბურავი და ტყავის ქვედაბოლო ისეთ შთაბეჭდილებას ქმნიდა, თითქოს მომღერალი უძველესი ღვთაების იმიჯის მორგებას შეეცადა. თუმცა მაღალყელიანი წინდები და კედები ღვთაების იმიჯს ნამდვილად არ უხდებოდა.

მოგვიანებით ქეთა სცენაზე საცურაო კოსტუმით გამოვიდა. თოფურია სცენაზე ტრადიციული საახალწლო პროგრამის ფარგლებში ალა პუგაჩოვასთან შესახვედრად გაემართა. დახურული საცურაო კოსტუმი, რომელსაც "სადო-მაზო" სტილის ტყავის ქამარი ამშვენებდა, თოფურიას სხეულზე იდეალურად არ გამოიყურებოდა, თუმცა დარბაზის მამრი საზოგადოება კმაყოფილი დარჩა: სამოსის საერთო უხერხულობას მომღერლის ღრმა დეკოლტე აბალანსებდა.

მომზადებულია eg.ru-ს მიხედვით.