12
აპრილიდღის ზოგადი ასტროლოგიური პროგნოზი
ეს ამბავი დიდი ხნის წინ დაიწყო. შეიქმნა კიდევ ერთი ოჯახი, შეეძინათ 3 შვილი (გოგო და ორი ბიჭი). შემდეგ ეს ოჯახი დაინგრა. დედა თურქეთში წავიდა, შვილები მამამ დაიტოვა და მალე დედინაცვალიც მოუყვანა. ქალი ბავშვებს ცუდად ექცეოდა. მალე თვითონაც გოგო შეეძინა, მაგრამ ამანაც არ შეცვალა. ერთხელ უფროსი გოგო გარდერობს ალაგებდა, შემთხვევით შოკოლადი ნახა და პატარა დას მისცა.
დედინაცვალმა რომ "დანაკლისი" აღმოაჩინა, გაგიჟდა, როგორ ახლეთ ხელი ჩემს შენახულ შოკოლადსო და გამოძიება დაიწყო, ვინ აიღო. გააღვიძა ბავშვები, ჰკითხა, ვინ აიღო კანფეტებიო. პატარა ბიჭს, დათოს მიადგა - თუ არ მეტყვი ვინ აიღო, ხელებს დაგწვავო. - არ ვიციო, ბავშვმა ტირილი დაიწყო. დედინაცვალმა ხელები გახურებულ ღუმელზე დაადებინა და თან დაემუქრა, მამაშენს არაფერი უთხრა, თორემ მეტს დაგმართებო. მთელი ღამე გაათენა უფროსმა გოგონამ, ძმას გათენებამდე ხელებზე სულს უბერავდა. საღამოს ბებიამ სთხოვა დათოს, შეშა შემოეტანა და ბიჭიც წავიდა. შეშა ხელიდან დაუცვივდა ტკივილისგან და მაშინ ნახა ბებიამ, რომ ხელები დამწვარი ჰქონდა. - რა გჭირს შვილოო, - იყვირა ბებიამ. მოატყუა დათომ და როგორც დედინაცვალმა დაარიგა, ისე უთხრა - "ფეჩში" რაღაც გასკდა და დავიწვიო.
დათოს უფროს დას უკვე 2 შვილი ჰყავს, მაგრამ დღემდე არ იცის მამამისმა, როგორი ცოლი ჰყავს სახლში. იქნებ ეს მაინც წაიკითხოს.
