მნიშვნელოვანი ინფორმაცია
14
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ნიკოლ კიდმანი - ტომ კრუზთან ცხოვრება ჩემთვის სრულყოფილებას ნიშნავდა
00:24 / 16-11-2012
ჰოლივუდის მსახიობის ნიკოლ კიდმანის ახალი ნამუშევარი - ფილმი მონაკოს პრინცესა გრეის კელის შესახებ, რომელშიც ნიკოლმა მთავარი როლი ითამაშა, ყურადღების ცენტრში მოექცა. პროექტს კრიტიკოსები დიდ წარმატებას უწინასწარმეტყველებენ. პრესის ინტერესი გაიზარდა თავად კიდმანის მიმართ, რომელმაც ჟურნალ DuJour-ის ახალი ნომრისთვის ფოტოსესიაში მიიღო მონაწილეობა და გულახდილი ინტერვიუც მისცა. ინტერვიუში ნიკოლმა ტომ კრუზთან განქორწინებისა და სხვა პირადი საკითხების შესახებ ისაუბრა.
კინოვარსკვლავის თქმით, როდესაც ტომმა უთხრა, რომ მასთან განქორწინება სურდა, ამ ამბავმა "გაანადგურა". განქორწინებიდან ათი წლის შემდეგ მსახიობს იმ პერიოდის გახსენება ძლიერ ტკივილს აყენებს.
"ვფიქრობდი, რომ ჩვენი ერთობლივი ცხოვრება მშვენიერი იყო, - იხსენებს კიდმანი, - სრულიად შოკირებული ვიყავი. ამის გადასატანად დიდი დრო დამჭირდა".
როდესაც წყვილმა იქორწინა, ნიკოლი 23 წლის იყო.
"ბედნიერებისგან მეშვიდე ცაზე ვიყავი: ტომი უგონოდ მიყვარდა და მასთან ერთად მზად ვიყავი სამყაროს დასალიერში წავსულიყავი, ეს ძლიერი და ყოვლისმომცველი გრძნობა იყო, - ყვება მსახიობი. - მაგრამ ამასთანავე ძალიან გულუბრყვილო ვიყავი და მრავალ რამეს ვერ ვამჩნევდი. ცხოვრებას ვარდისფერი სათვალით ვუყურებდი. მე და ტომი ჩვენს სამყაროში ვცხოვრობდით, სადაც არავინ გვჭირდებოდა. ამიტომ ერთმანეთთან ძალიან ახლოს და ერთმანეთზე დამოკიდებულნი ვიყავით".
ჟურნალისტის შეკითხვაზე, ბედნიერია თუ არა დღეს, ნიკოლმა უყოყმანოდ განუცხადა, რომ ბედნიერია იმაზე მეტად, ვიდრე ოდესმე!".
მუსიკოს კიტ ურბანზე დაქორწინებამ და ქალიშვილების დაბადებამ კინოვარსკვლავის ცხოვრება მთლიანად შეცვალა.
"კიტის გაცნობის შემდეგ ჩემი ცხოვრება შეიცვალა. ის შესანიშნავი, მზრუნველი მამაკაცია, მე მას ძალიან ვაფასებ. ვცდილობთ ერთმანეთს დიდი ხნით არასდროს დავშორდეთ, - ამბობს კიდმანი, - ამჟამად მონაკოში ჩემი მეგობრების სახლში ვცხოვრობ და გრეის კელის შესახებ ფილმში მიღებენ. ჩემი ორივე ქალიშვილი ჩემთანაა, სენდი როუზი უკვე ოთხი წლისაა, ფეიტი - ორის. უახლოეს დღეებში ავსტრალიიდან დედაჩემი ჩამოვა, გოგონების მოვლაში რომ დამეხმაროს. კიტიც მალე შემოგვიერთდება. მთელი ჩემი ოჯახი ჩემთანაა. ჩვენ შესანიშნავი სახლი გვაქვს, სადაც მუდამ მუსიკა ისმის. კიტი გამუდმებით როიალზე ან გიტარაზე უკრავს, ყოველთვის რაღაცას ქმნის".
მომზადებულია DuJour-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ იყოფა მეუღლეთა თანასაკუთრებაში არსებული ქონება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
