5
მაისიდღის ზოგადი ასტროლოგიური პროგნოზი
გაერთიანებული შტაბის ყოფილმა უფროსმა გიორგი კალანდაძემ პროკურატურა დატოვა, თუმცა, ჟურნალისტებთან კომენტარი არ გაუკეთებია.
მისი ადვოკატის, გოგიტა გაბაიძის თქმით, კალანდაძეს ახალი ბრალდება წარედგინა, რომელიც ასევე 333-ე მუხლით არის გათვალისწინებული და თანამდებობრივი უფლებამოსილების გადამეტებას გულისხმობს.
როგორც გაბაიძემ აღნიშნა, ახალი ბრალდება 2010 წლის 18 თებერვლის ეპიზოდს ეხება. "ბრალდება აბსოლუტურად დაუსაბუთებელია. საქმე ეხება 19 ამბოხებულ ჯარისკაცს, რომელსაც მიუთითეს, რატომ არ ვარჯიშობთო და უნდა ევარჯიშათ. გამოდის, რომ ეს დანაშაულად ითვლება", - განაცხადა ადვოკატმა.
მისი თქმით, საქმეში, სავარაუდოდ, 16 მოწმის ჩვენებაა, თუმცა, მასალა საკმაოდ დიდია და მას ჯერჯერობით არ იცნობს. ადვოკატის განცხადებით, გიორგი კალანდაძე არც ძველ და არც ახალ ბრალდებას არ აღიარებს.
