მასწავლებელი, რომელსაც გაბრაზებისას ეძინება

ინგლისის საგრაფო სტაფორდშირში მცხოვრებ 36 წლის ჯეინ ბარლოუს იშვიათი დაავადება - ნარკოლეფსია აქვს. დაავადების კლინიკური ნიშანი ძილის ხანმოკლე დაუძლეველი შეტევებია და გამოწვეულია მკვეთრი დადებითი, ან უარყოფითი ემოციებით. ჯეინი სკოლაში მუშაობს, თუმცა მოსწავლეებს შენიშვნებს ვერ აძლევს, რადგანაც გაბრაზების დროს მაშინვე ძილი ერევა და რამდენიმე წუთის შემდეგ იღვიძებს.

ჯეინი კატაპლექსიითაც არის დაავადებული, რომლის შეტევის დროს ვერ ხედავს, ვერ საუბრობს და შესაბამისად, რამდენიმე წუთის განმავლობაში პარალიზებულია. მასწავლებელს დღის განმავლობაში რამდენჯერმე სძინავს, რადგანაც ძალიან იღლება.

მომზადებულია iconocast.com-ის მიხედვით.