ფოტოკამერა-ბურთი

"ასაგდები პანორამული ბურთისებრი კამერა" - ასე ქვია გემრანელების ახალ გამოგონებას, რომელიც ციფრულ ფოტოსურათს პირდაპირ ციდან გადაგიღებთ. ფოტოაპარატი ჰაერში მაღლა უნდა ააგდოთ. ის დავარდნისას არ ტყდება, ვინაიდან რეზინის ბურთშია მოთავსებული და რაც მთავარია, მაღალხარისხიან სამგანზომილებიან ფოტოებს ნებისმიერი სიმაღლიდან გადაგიღებთ.

პროექტი ბერლინის ტექნიკურ უნივერსიტეტში პროფესორ მარკ ალექსის ხელმძღვანელობით მუშავდება. ამ დროისთვის ორიგინალური ფოტოაპარატის მასობრივი წარმოებისთვის ინვესტორს ეძებენ. ფოტოაპარატის დიამეტრი 19.3 სმ-ია, ხოლო მისი წონა მხოლოდ 752 გრამი.

ბურთის შიგნით, ზუსტად ცენტრში მაღალტექნოლოგიური შიგთავსია დამონტაჟებული, რომელიც ლითიუმის ელემენტის, მიკროპროცესორის, აქსელერომეტრისა და ფოტოობიექტივისგან შედგება. მოქმედების დროს ხელსაწყო სიმაღლის ბოლო წერტილს ელოდება, რომელსაც სენსორის მეშვეობით განსაზღვრავს და შემდეგ ფოტოს სიმაღლიდან იღებს.

ფოტოების კომპიუტერში გადატვირთვა ჩვეულებრივი USB კაბელითაა შესაძლებელი.

მომზადებულია drunov.ru-ს მიხედვით.