4
მაისიდღის ზოგადი ასტროლოგიური პროგნოზი
ბრიტანული ინტერნეტ-რესურსი Fame Daddy ("ცნობილი მამა") მსოფლიოში პირველ სპერმის ბანკს ხსნის, რომლის დონორები მხოლოდ გამოჩენილი და ცნობილი ადამიანები არიან.
ფირმის აღმასრულებელი დირექტორი დენ რიჩარდსი ამბობს, რომ ორგანიზაციის განკარგულებაში 40 ცნობილი ადამიანის ბიოლოგიური მასალაა, მათ შორის როკ-ვარსკვლავი, "ფორმულა-1"-ის მრბოლელი, ოსკაროსანი მსახიობი და ყოფილი ფეხბურთელია.
ექსკლუზიური მომსახურების ღირებულება 24 000 დოლარიდან იწყება.
ვარსკვლავური გენის მატარებელი ბავშვის გაჩენის მსურველმა ქალმა საიტზე ტესტი უნდა გაიაროს, რომლის დახმარებითაც მას შესაფერის კანდიდატს შესთავაზებენ. ის მისი "ინდივიდუალობის, ხასიათისა და ცხოვრების წესის" შესაბამისი იქნება.
პოპულარული "მამების" სახელები გასაიდუმლოებულია, მაგრამ რიჩარდსმა განაცხადა, რომ თითოეულმა მათგანმა სამედიცინო გამოკვლევა გაიარა, რომ მემკვიდრეობითი დაავადებების გადაცემის შესაძლებლობა გამოირიცხოს.
"ჩვენ წარმატებული ადამიანების სპერმას ვყიდით, რომლებმაც საკუთარი მოღვაწეობის სფეროში საუკეთესო შედეგებს მიაღწიეს. ჩვენი მიზანია ამ საპასუხისმგებლო პროცესის დასაწყისშივე ქალებს იდეალური პირობები და მხარდაჭერა შევთავაზოთ",-ამბობს Fame Daddy-ის მმართველი.
კომპანიის დამფუძნებელთა განცხადებით, დედები ამით შვილს წარმატებული კარიერის დაწყების შანსს აძლევენ.
მომზადებულია lifenews.ru-ს მიხედვით.
