5
მაისიდღის ზოგადი ასტროლოგიური პროგნოზი
ტელეკომპანია "მაესტროს" კუთვნილ ანტენებს ყადაღა მოეხსნა, - ამის შესახებ "ინტერპრესნიუსს" არხის დამფუძნებელმა მამუკა ღლონტმა განუცხადა.
"მე თბილისში არ ვიმყოფები. "მაესტროს" გენერალურმა დირექტორმა დამირეკა და მითხრა, რომ ყადაღა მოხსნეს და შეგვიძლია ჩვენი ქონების დაბრუნება. რა თქმა უნდა, როგორც დაგეგმილი იყო, ჩვენ მოსახლეობისთვის ამ ანტენების დარიგებას დავიწყებთ", - აღნიშნა ღლონტმა.
ამასთან, მან "მასთ ქერის" პრინციპთან დაკავშირებითაც გააკეთა განცხადება და განმარტა, რომ მისი მოქმედების ვადის ამოწურვის მიუხედავად საკაბელო კომპანიების მხრიდან ტელეკომპანიების საკუთარი პაკეტიდან გათიშვის საშიშროება ამ ეტაპზე აღარ არსებობს.
"ჩვენ საკაბელოებს განცხადებით მივმართეთ და ვთხოვეთ, რომ პაკეტიდან არ გამოვერთეთ. რადგან არ გაგვთიშეს, ე.ი. მათზე ზეწოლა აღარ ხორციელდება და ამ ეტაპზე გამორთვის საშიშროებასაც ვეღარ ვხედავ, მაგრამ ეს საკითხი ბოლომდეა მისაყვანი და საკანონმდებლო დონეზე უნდა მოხდეს იმის რეგულირება, რომ ვერასდროს ვერც ერთმა ხელისუფლებამ ვერ გაბედოს მედიით მანიპულირება", - აღნიშნა ღლონტმა.
"მაესტროს" კუთვნილ ტექნიკურ საშუალებებს - ანტენებსა და მათ მაკომპლექტებელ ნაწილებს ყადაღა თბილისის საქალაქო სასამართლოს სისხლის სამართლის საქმეთა კოლეგიის 11 და 14 ივლისის განჩინებებით დაედო. აღნიშნული გადაწყვეტილების ოფიციალურ მოტივაციად დასახელდა ის გარემოება, რომ "მაესტროს" მიერ თვალთმაქცური გარიგებით შემოტანილი ათასობით სატელიტური ანტენა უნდა დარიგებულიყო ამომრჩეველთა მოსყიდვის მიზნით, პოლიტიკური გაერთიანება "ქართული ოცნების" სასარგებლოდ, პრაქტიკულად უსასყიდლოდ. ბრალდება ტელეკომპანიის ხელმძღვანელობის მხრიდან მაშინვე შეფასდა, როგორც უკანონო.
ყადაღა ტელეკომპანია "მაესტროს" კუთვნილ 30 ათასამდე ანტენას და 15 ათასამდე რესივერს ედო.
