მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მუმიების" დაბრუნება" და სააკაშვილის კათარზისი
23:13 / 03-10-2012
როგორც იქნა მოვახერხეთ და საქართველოში არჩევნებით შეიცვალა ხელისუფლება, ეს ჩვენი სახელმწიფოებრიობის მშენებლობის უმნიშვნელოვანესი ეტაპია, გილოცავთ! ვულოცავ, უპირველესად, საქართველოს მოქალაქეებს, ვულოცავ ხელისუფლებაში მოსვლისთვის გამზადებულ "ქართულ ოცნებას" და ვულოცავ ხელისუფლებიდან წასვლის სამზადისში მყოფ პრეზიდენტს და მთავრობას!
გაცილებით რთული და ლამის გაუსაძლისი აღმოჩნდა ქვეყანაში წინასაარჩევნო პროცესი, ვიდრე თვითონ არჩევნების დღე, თუ მისი მომდევნო დღეები. არადა, მართლაც ბეწვის ხიდი გავიარეთ ყველამ ერთად. ბოლო ხანს ჩემი საწერი თემა, ძირითადად, პრეზიდენტი სააკაშვილი იყო, რადგან მივიჩნევდი, რომ არავინ იყო ქვეყანაში მასზე მეტად პასუხისმგებელი აქ მიმდინარე პროცესებზე, არც მასზე მეტად აქტიური და არაადეკვატური, თუმცა, როგორც ჩანს, სააკაშვილის კათარზისის დროც დადგა. მან ხმამაღლა, მშვიდად, აუღელვებლად აცნობა ქვეყნის მოსახლეობას, რომ დამარცხდა და რომ "ნაციონალური მოძრაობა" ოპოზიციაში მიდის. ეს განცხადება ჩვენი საზოგადოების დიდი ნაწილისთვის ისეთი მოულოდნელი აღმოჩნდა, რომ მავანნი არ იჯერებდნენ, დანარჩენები ქვეტექსტსა და რაღაც ვერაგობას ეძებდნენ, მცირე ნაწილი, შალვა ნათელაშვილის წამბაძველობით, სააკაშვილისა და ივანიშვილის გარიგებაზე ლაპარაკობდა. ჩემდა გასაკვირად, მიხეილ სააკაშვილი გაცილებით ადეკვატური აღმოჩნდა, ვიდრე გია ნოდია. პრეზიდენტის თქმით, ქვეყანაში "ნაციონალური მოძრაობა" კი დამარცხდა, მაგრამ დემოკრატიამ გაიმარჯვა. გია ნოდიას აზრით კი - ქართული დემოკრატია ფულთან დამარცხდა. ბატონო პრეზიდენტო, აქამდე ყოფილიყო თქვენი ქცევა და ლაპარაკი ასეთი მშვიდი, გაწონასწორებული და ადეკვატური და იქნებ...
ბიძინა ივანიშვილი ამტკიცებს, სააკაშვილს ამგვარი კათარზისისთვის ჩვენ შევუქმენით პირობები და შევუწყვეთ ხელიო... რა ვიცი, რა ვიცი...
P.S. დასასრულ, გთავაზობთ სოციალურ ქსელ ფეისბუკის ერთ-ერთი მომხმარებლის მიერ გამოქვეყნებულ სტატუსს, სახელწოდებით "მუმიების" დაბრუნება":
"რუსთაველის გამზირზე ასფალტის აყრა დაიწყეს; ქუჩაში პატრული უკვე შემცირდა; საპატრულო მანქანებში ორი კაცის ნაცვლად ახლა მხოლოდ მძღოლი ზის; შუქი წავიდა უკვე, ამბობენ გრაფიკით იქნებაო; გაზიც არ გვექნება ზამთარში, "კერასინკა" უნდა ამოვიტანო სარდაფიდან და ვიდრე გაძვირებულა, ყვითელი "დვიჟოკი" უნდა შევიძინო; კანონიერი ქურდებით გატენილი 3 თვითმფრინავი თბილისის საერთაშორისო აეროპორტში დაჯდა, მათ პირადად ბიძინა ივანიშვილი დახვდა და სამშობლოში დაბრუნება მიულოცა."
ეს "ნაციონალური მოძრაობის" კოშმარია...
ქართველ საზოგადოებას კი, იმედია, ახალი დღის გათენების აღარ შეეშინდება!
ნათია დოლიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
