7 წლის ბიჭს საკუთარი მამა ხელში აჰყავს

7 წლის ბიჭი იანგ ჯინლონგი ჩინეთში ცნობილია, როგორც პატარა მძლეოსანი. ბიჭს ავტომობილის მხრებით გაწევა შეუძლია. იანგს თავისუფლად გადააქვს 41 კგ-იანი ტომარა და საკუთარ მამასაც, რომელიც 90 კგ-ს იწონის, ზედმეტი ძალდატანების გარეშე იტაცებს ხელში.

"თავდაპირველად დავუშალე ამის გაკეთება, მაგრამ როდესაც დავინახე, როგორ მარტივად ამწია, გავოცდი. ამას ზრდასრული ადამიანების უმეტესობაც კი ვერ მოახერხებს", - განაცხადა იანგის მამამ.

თავად იანგი 7 წლის ასაკში 51 კგ-ს იწონის, მაგრამ მას შეუძლია საკუთარ წონაზე ათჯერ მძიმე ტვირთის გადაადგილება. როგორც იანგი აცხადებს, მისი ოცნებაა მძიმეწონიანი ათლეტი-ჩემპიონი გახდეს და ამის მისაღწევად ყოველდღე ვარჯიშობს.

მომზადებულია dailymail.co.uk-ის მიხედვით.