სოფია ვერგარა მკერდის დაპატარავებას აპირებს

მსახიობ სოფია ვერგარას თავისი დიდი ზომის მკერდი ძალიან აღიზიანებს. ვარსკვლავმა ჟურნალ Lucky-ს განუცხადა, რომ მკერდის დაპატარავებას აპირებს.

სოფიას დიდი მკერდი უხერხულობას უქმნის და სწუხს, რომ ადამიანები საუბრისას თვალებში არ  უყურებენ და მისი მკერდის ცქერით ტკბებიან. მსახიობმა აღიარა, რომ ხშირად ნატრობს მოდელ ჟიზელ ბუნდჰენის მსგავსი სხეულის ფორმა ჰქონდეს.

"დიდი ზომის მკერდმა კარიერაში გზა გამიხსნა. მაგრამ, ძალიან მძულს ჩემი თავი, როდესაც ვხედავ, როგორ იმოსება ჟიზელი - ბუნდჰენს შეუძლია ტანზე მომდგარი მაისური ჩაიცვას და ბიუსტჰალტერი სულაც არ დასჭირდეს. მე კი ბიუსტჰალტერის გარეშე ფეხმძიმეს, ან ჭარბწონიან სტრიპტიზიორს ვემსგავსები", - აცხადებს ვარსკვლავი.

მომზადებულია Lucky-ს მიხედვით.