ბრიტანეთის პრემიერ-მინისტრის კატა დაითხოვეს

კატა, სახელად ლარი, რომელიც ლონდონის დაუნინგ-სტრიტზე პრემიერ-მინსიტრ დევიდ კემერონის სახლში "მსახურობდა", უსაქმურობის გამო დაითხოვეს.

გასულ კვირას პრემიერმა ლარი სავარძელში მძინარე მაშინ აღმოაჩინა, როდესაც ოთახში თაგვი დარბოდა. კემერონმა კატის გაღვიძება სცადა, თუმცა ცხოველმა მხოლოდ ზანტად გაახილა თვალი და არც კი განძრეულა.

ამ ინციდენტის შემდეგ ლარი დიდი ბრიტანეთის მთავრობის რეზიდენციაში "მთავარი თაგვმჭერის" თანამდებობიდან დაითხოვეს. მის ნაცვლად ხაზინის კანცლერის, ჯორჯ ოსბორნის ზოლებიანი კატა მიიღეს, მეტსახელად ფრეი.

კატას რეზიდენციის დამცველის ფუნქციას უახლოეს დღეებში სრულად ჩამოართმევენ, თუმცა ჯერჯერობით ნახევარ განაკვეთზე მაინც მუშაობს.

ოთხფეხა თანამშრომელი პრემიერ-მინისტრის რეზიდენციაში სამუშაოდ, ბრწყინვალე რეკომენდაციის წყალობით, 2011 წლის თებერვალში აიყვანეს. თუმცა The Daily Mail-ის ინფორმაციით, ნახევარწლიანი მუშაობის განმავლობაში ლარიმ მხოლოდ ერთი თაგვი დაიჭირა.

მომზადებულია The Daily Mail-ის მიხედვით.

იხილეთ ასევე: "ბრიტანეთის პრემიერმა გაზულუქებული კატა შეიწყალა"

"ბრიტანეთის პრემიერის კატას პატრონი გამოუჩნდა"

"ინგლისის პრემიერ-მინისტრის სახლში ვირთხები ბინადრობენ"