22
აპრილიდღის ზოგადი ასტროლოგიური პროგნოზი
რამდენიმე დღის წინ პრეზიდენტი სააკაშვილი თერჯოლის რაიონის სოფელ ახალთერჯოლის მოსახლეობას შეხვდა "ნაცმოძრაობის" მაჟორიტარი დეპუტატობის კანდიდატ კახა ბუცხრიკიძესთან ერთად. რა მოხდა თერჯოლაში? - ამის თაობაზე კოალიცია "ქართული ოცნების" წარმომადგენელი გია ცაგარეიშვილი გვესაუბრება:
- თერჯოლაში ჩატარებულ ამ შეხვედრას ადგილობრივების გარდა, ქუთაისიდან და ზესტაფონიდან ავტობუსებით ჩამოყვანილი ადამიანებიც ესწრებოდნენ, ძირითადად, გამგეობებისა და ძალოვანი სტრუქტურების თანამშრომლები, თუმცა, 400 კაცზე მეტი არ შეიკრიბა. ეს მიტინგი გამორჩეული იყო იმითაც, რომ მასზე ნაცმოძრაობამ "ორიგინალური" ნოუ-ჰაუ წარმოგვიდგინა: დააყენეს საგანგებოდ ჩამოტანილი ხმის გამაძლიერებლები, რომელიც ტაშის იმიტაციას ახდენდა - მქუხარე აპლოდისმენტები წინასწარ იყო ჩაწერილი... მიტინგის მსვლელობისას არაერთხელ შეიქმნა კურიოზული სიტუაცია იმის გამო, რომ ჩაწერილი ტაში ზოგჯერ "ნამდვილ ტაშს" არ ემთხვეოდა, ზოგჯერ კი ისე ხმამაღლა ისმოდა, სააკაშვილის ხმასაც ფარავდა, რაც ცხადია, დამსწრე საზოგადოების ღიმილს იწვევდა. საქმე ის არის, რომ გავრცელებული ინფორმაციით, ქვეყნის პირველი პირი უკმაყოფილოა "ნაცმოძრაობის" შეკრებებზე მისული ხალხის სიმცირით და, შესაბამისად, აპლოდისმენტებით, ეს ახალი პიარილეთიც ამ ხარვეზის აღმოსაფხვრელად დასჭირდათ!
ნინო კვიტაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
