13
მარტიდღის ზოგადი ასტროლოგიური პროგნოზი
POKER RING-ის მეორე სეზონი ნელ-ნელა დასასრულს უახლოვდება. შაბათს, 2 ივნისს გაიმართა მე-7 თამაში, რომელმაც რიგით მე-7 ფინალისტი გამოავლინა. პროფესიონალ პოკერის მოთამაშეებს ამჯერად, მოწვეული სტუმრების რანგში, მხარს უმშვენებდნენ ყველასათვის კარგად ნაცნობი და საყვარელი სახეები: კალათბურთელი ანატოლი ბოისა (tolik_boisa), რაგბისტი ნოდარ ანდღულაძე (Nono_rugby), მომღერალი გაგა ჩიხლაძე (gaga_frani) და პროდიუსერი ნოე სულაბერიძე (sula_beri). მოწვეული სპორტსმენები შეუერთდნენ სატელიტების და დღის ფინალის გავლის შედეგად ნახევარფინალში მოხვედრილ ყოფილ ფეხბურთელებს, ბავშვობის მეგობრებს, ლადო ბურდულსა (burdiso8) და გიორგი ჩივაძეს (chiva), რამაც თამაშს კიდევ უფრო მეტი სპორტული იერი შესძინა. მათთან ერთად იგივე გზა გაიარა და ასპარეზობაში ჩაერთო POKER RING 2-ის ფინალისტის, პაატა ხმალაძის (ZEMLIATRESENIE) ძმამ- ლაშა ხმალაძემ ( URAGAN33). აღსანიშნავია მანდილოსანთა სიმრავლე. Shorena777(შორენა ბეკურიშვილი), ninole (ნინო ბერიძე) და kisa81(ქრისტინე ჯაბახიძე) ტოლს არ უდებდნენ მამაკაცებს. გამოვარჩიოთ შორენა ბეკურიშვილი (Shorena777), რომელიც ზედიზედ მეორე გადაცემაში მონაწილეობდა და, მართალია წინა თამაშისგან განსხვავებით, ვერ გადავიდა საფინალო მაგიდაზე, მაგრამ დაგვპირდა, რომ აუცილებლად დაბრუნდება. გაგაცნობთ მონაწილეთა სრულ სიას:
1) atc-100 თამაზ სხირტლაძე
2) burdiso8 ლადო ბურდული
3) Cezarius ცეზარ მაღლაკელიძე
4) chiva გიორგი ჩივაძე
5) Cireka გიორგი ცირეკიძე
6) Danela545 ლევან დანელია
7) didro75 დიმიტრი წერეთელი
8) dito117 დიმიტრი ლომთაძე
9) giagorg გიორგი გორგასლიძე
10) giopapa 1 გიორგი კაკაშვილი
11) IKA3003 ირაკლი გავაშელი
12) kisa81 ქრისტინე ჯაბახიძე
13) ninole ნინო ბერიძე
14) p777 ბადრი კვარაცხელია
15) paxa გიორგი პაქსაშვილი
16) pepeshi გიორგი გელაშვილი
17) PokerKid ნუკრი მეტრეველი
18) Shorena777 შორენა ბეკურიშვილი
19) TRY_HRD_FISH ენვერ ხვიტია
20) uragan33 ლაშა ხმალაძე
21) tolik_boisa ანატოლი ბოისა
22) sula_beri ნოე სულაბერიძე
23) gaga_frani გაგა ჩიხლაძე
24) nono_rugby ნოდარ ანდღულაძე
ეტაპიდანვე აქტიურობით გამოირჩა ლადო ბურდული, რომელმაც რამოდენიმე კარგი ხელი წაიღო და კარგა ხნის მანძილზე ჩიპლიდერადაც გვევლინებოდა. ეტყობა მან, როგორც სპორტსმენმა, გაითვალისწინა წინა თამაშზე დაშვებული შეცდომები და საფუძვლიანად მოემზადა ასპარეზობისთვის. მიუხედავად ცოტაოდენი დაგვიანებისა, სერიოზულად ჩაერთო თამაშში IKA3003 (ირაკლი გავაშელი), რასაც ვერ ვიტყვით ენვერ ხვიტიაზე (TRY_HRD_FISH), მან ისევ ნაადრევად დაასრულა თამაში, რაც ალბათ უფრო უიღბლობას უნდა მივაწეროთ, თორემ ენვერი პოკერის სამყაროში ერთ-ერთი ანგარიშგასაწევი მოთამაშეა. ნაადრევად შეწყვიტა თამაში კიდევ ერთმა ფავორიტმა - ბადრი კვარაცხელიამ (p777). ტუზ-ათიანში მის 10000-იან All-in-ს ვალეტ-ხუთიანში უპასუხა PokerKid-მა. თერნზე ამოსულმა ვალეტმა ბადრი საფინალო მაგიდის მიღმა დატოვა. ერთმანეთის მიყოლებით გამოვარდნენ მოწვეული სტუმრები - ნოე სულაბერიძე, ნოდარ ანდღულაძე და ანატოლი ბოისა. გაგა ჩიხლაძემ კი სასიამოვნოდ გაგვაკვირვა, მისგან არავინ მოელოდა ასეთ დახვეწილ და წარმატებულ თამაშს.
11 რაუნდიანი დაძაბული პაექრობის შემდეგ, 1200/2400 ბლაინდზე, გაირკვა საუკეთესო 9 მოთამაშე, რომლებიც ერთმანეთს დაუპირისპირდნენ საფინალო მაგიდაზე POKER RING 2-ის GRAND FINAL-ის საგზურის მოსაპოვებლად.
1) giagorg - გიორგი გორგასლიძე 45.000 ჩიპი
2) Cireka - გიორგი ცირეკიძე 18.400 ჩიპი
3) didro75 - დიმიტრი წერეთელი 22.600 ჩიპი
4) burdiso8 - ლადო ბურდული 19.300 ჩიპი
5) PokerKid - ნუკრი მეტრეველი 52.100 ჩიპი
6) pepeshi - გიორგი გელაშვილი 8.800 ჩიპი
7) chiva - გიორგი ჩივაძე 16.100 ჩიპი
8) gaga_frani - გაგა ჩიხლაძე 12.700 ჩიპი
9) IKA3003 - ირაკლი გავაშელი 32.200 ჩიპი
პირველივე დარიგების შემდეგ მაგიდასთან 8 მოთამაშე დარჩა. Pepeshi-მ, რომელიც შორტსტეკი იყო, PokerKid-ის რეიზს (J♦8♦), A♠K♦ -ში All-in-ით (8800) უპასუხა. ბორდის კარტმა- 7♣8♠9♠ 7♠ Q♥ ნუკრის გამარჯვება დააფიქსირა. ავღნიშნოთ რომ, ნუკრის (PokerKid) ძალიან უმართლებდა. თითქმის ანალოგიურ კარტში( J,5) გამოთიშა მან p777 თამაშიდან. მე-3 დარიგებაზე უკვე chiva (გიორგი ჩივაძე) A♥J♠ -ით წავიდა ვა-ბანკზე. მას პატარა ბლაინდიდან A♠Q♥-ში didro75-მ უპასუხა 16100 ჩიპით. ფლოპმა (6♦J♣10♦) გიორგი დააწინაურა, ხოლო თერნმა (A♦) და რივერმა (5♠) მას საშუალება მისცა თავისი სტეკი გაედაბლებინა, ხოლო დიმიტრი 4200 ჩიპის ამარა დასტოვა. რამაც მე-4 დარიგებაზევე გამოიწვია დიმიტრის All-in-ი K♠5♠-ში. მას PokerKid-მა უპასუხა 8♥3♥-ში (!!!). ბორდის კარტმა (6♦6♥10♦ 4♥ 9♥) ნუკრის საშუალება მისცა ამჯერად ფლეშით გაეგდო ოპონენტი.
მე-13 დარიგებაზე "ექშენში" ისევ ნუკრი იყო. მის რეიზს ორ ორიანში, გაგამ (gaga_frani ) დიდ ბლაინდიდან A♣Q♣-ში 16300-იანი All-in-ი დაახვედრა. 7♠8♥7♦ 10♣ J♣- ბორდმა გაგა მე-7 ადგილზე დასტოვა.
მე-17 დარიგებაზე დაემშვიდობა თამაშს Cireka. პოზიციიდან giagorg -ის რეიზს A♦Q♣-ში, მან პატარა ბლაინდში J♥J♦-ით 14600-იანი All-in-ი დაახვედრა, რასაც გიორგიმ უპასუხა. ფლოპზევე (3♠A♣8♥) დაწინაურდა გიორგი. თერნმა (7♠) და რივერმა (5♠) სიტუაცია ვეღარ შეცვალა. საინტერესოდ განვითარდა მოვლენები 21-ე დარიგებაზე, სადაც ბლაინდების ნამდვილი "ჯახი" გაიმართა. IKA3003-მა პატარა ბლაინდიდან J♠J♥-ში 37500-იანი All-in-ი გააკეთა. მას BB-დან giagorg-მა უპასუხა 10♠10♥-ში. ბორდზე 7♥3♥5♥ A♦ A♣ გაიხსნა, რამაც ირაკლის საშუალება მისცა მნიშვნელოვანი დაბლი გაეკეთებინა.
25-ე დარიგებაზე დაგვემშვიდობა ლადო ბურდული. ლადოს K♠J♥ უძლური აღმოჩნდა IKA3003-ს A♥7♦-თან. ფლოპზე გახსნილმა 10♣5♠7♣-მა ირაკლი დააწინაურა, თერნმა (Q♣) და რივერმა (6♣) burdiso8 მისთვის სარეკორდო, მე-5 ადგილზე გაიყვანა, მაგრამ ლადოს ხასიათიდან გამომდინარე, როგორც ნამდვილ სპორტსმენს შეჰფერის, ამას არ დაკმაყოფილდება და უკვე მომდევნო თამაშშივე უნდა ველოდოთ მისგან სიურპრიზებს.
მოულოდნელად, 38-ე დარიგებაზე, თითქმის გავარდა ნუკრი მეტრეველი (PokerKid). ნუკრიმ ისეთი წარმოუდგენელი გათამაშებები მოიგო, რომ არავის ჯეროდა, თუ ის Heads-up-მდე ვერ მიაღწევდა. მან თერნზე უპასუხა giagorg-ის 27000-იან ვა-ბანკს. გიორგის K♠8♦ დაურიგდა, ნუკრის კი - J♠7♠. აღსანიშნავია რომ, ნუკრიმ იმ დღისით დარიგებულ ყველა ვალეტში მოიგო. აქ კი უკვე ფლოპზევე (7♥6♦K♣) კიდევ უფრო გაძლიერდა გიორგის კარტი. თერნზე (6♣)-მა კი ნუკრის მხოლოდ 2 აუტი (ჯვრის და აგურის შვიდიანი) დაუტოვა. მართალია რივერზე გახსნილმა J♦-მა, ნუკრის ორი წყვილი დააფიქსირა, მაგრამ გიორგის ორ წყვილთან, K♠ K♣6♦6♣, ვერაფერი გააწყო.
48-ე გათამაშებაზე გამოეთიშა თამაშს დებიუტანტი გიორგი ჩივაძე (chiva). მან A♣4♣-ში პრეფლოპ All-in-ი გააკეთა. IKA3003-ი SB-ში მას A♠J♠-ით დახვდა. ფლოპზე გახსნილი J♣7♦4♠-ით ირაკლი უფრო გაძლიერდა. თერნს (9♦) და რივერს (9♦) გიორგისთვის სარგებელი არ მოუტანია და მან ასპარეზობა საპატიო მე-3 ადგილზე დაამთავრა, არა და ცოტა რომ გამართლებოდა და სულ ცოტა მოთმინება გამოეჩინა, შეიძლება მეტისთვისაც მიეღწია. რადგან რამოდენიმე დარიგებით ადრე ის აშკარა ჩიპლიდერად გვევლინებოდა.
მე-7 ფინალისტი 52-ე დარიგებაზე გამოვლინდა. ირაკლი (152000 ჩიპი) უპირატესობას ფლობდა გიორგისთან (78000) მიმართებაში. ეს უკანასკნელი ორ ორიანში (2♥2♠) ვა-ბანკზე წავიდა. ირაკლიმ მას 10♦7♣-ში უპასუხა. ფლოპზე გახსნილმა A♣A♦7♥-მა IKA3003 დააწინაურა, თერნმა (9♣) და რივერმა (3♣) კი საბოლოო შედეგი დააფიქსირა, რის შემდეგაც ირაკლი გავაშელი გახდა POKER RING 2-ის "main event"-ის რიგით მე-7 მონაწილე.
მე-7 თამაშის საბოლოო სახე:
1) IKA3003 - ირაკლი გავაშელი Poker Ring 2-ის გრანდ ფინალის საგზური
2) giagorg - გიორგი გორგასლიძე 1700 ლარი
3) chiva - გიორგი ჩივაძე 1300 ლარი
4) PokerKid - ნუკრი მეტრეველი 1000 ლარი
5) burdiso8 - ლადო ბურდული 900 ლარი
6) Cireka - გიორგი ცირეკიძე 800 ლარი
7) gaga_frani - გაგა ჩიხლაძე 700 ლარი
8) didro75 - დიმიტრი წერეთელი 600 ლარი
9) pepeshi - გიორგი გელაშვილი 500 ლარი
