7
აპრილიდღის ზოგადი ასტროლოგიური პროგნოზი
რომანტიკული მელოდრამა "ლამაზმანი" (1990) მსახიობ რიჩარდ გირის ცხოვრებაში ერთ-ერთ საკვანძო ნამუშევრად ითვლება, მაგრამ თავად ვარსკვლავს მისი გახსენებაც არ უნდა. რიჩარდ გირმა ავსტრალიურ ჟურნალ Woman's Day-თან საუბრისას განაცხადა, რომ ცდილობს სურათი დაივიწყოს.
"ამ ფილმის შესახებ გამუდმებით მისვამენ კითხვას, მაგრამ მე მისი დავიწყება მინდა. ეს უბრალოდ სულელური რომანტიკული კომედიაა!", - აცხადებს მსახიობი.
62 წლის რიჩარდმა აღიარა, რომ თავის გმირს, ედვარდ ლიუისს ღირსეულ ადამიანად არ მიიჩნეევს. მისი აზრით, ფილმის გმირი იმ ადამიანთა ჯგუფს ეკუთვნის, რომელთა მიზეზით მსოფლიო ფინანსური კრიზისები ხდება. მაგრამ ფილმის შემქმნელებმა ჭკვიანი ფინანსისტი "მშვენიერ უფლისწულად" აქციეს.
"ლამაზმანის" მეშვეობით უოლ-სტრიტის ბროკერები ძალიან მიმზიდველად გამოიყურებიან, საბედნიეროდ, დღეს მათ სკეპტიკურად უყურებენ", - ამბობს გირი.
რიჩარდ გირი საკუთარი წარსულით კმაყოფილი არ არის. იგი საკმაოდ ცივად მოიხსენიებს იმ ქალებსაც, რომლებთანაც ახალგაზრდობაში რომანი ქონდა. მათ შორის არიან კიმ ბესინჯერი, უმა თურმანი, პრისცილა პრესლი. რიჩარდის აზრით, რომელმაც საბოლოოდ ბედნიერება მსახიობ კერი ლოუელთან (Carey Lowell) იპოვა, ჰოლივუდის მსახიობებთან ურთიერთობისას გრძნობათა დეფიციტს განიცდიდა.
"80-იანებში ურთიერთობას სტატუსის გამო ამყარებდნენ, მაგრამ კერის დახმარებით, მე გავიაზრე, რა არის კარგი და რა ცუდი. ახლა სიყვარულს ფულზე და სხვა სისულელეებზე მაღლა ვაყენებ", - ამბობს ჰოლივუდის ვარსკვლავი.
შეგახსენებთ, გირი კერის უკვე 15 წელია ხვდება. წყვილს 12 წლის შვილი, ჰომერ ჯეიმსი (Homer James) ჰყავთ.
მომზადებულია newsme.com-ის მიხედვით.
