მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გახსოვთ თუ არა, რომ გითხარით: ეს რეზინის ტყვიები რამ გამოგაყენებინათ-მეთქი?! თქვენ მიპასუხეთ - "რა ვქნა, ჩემო თეა, ერთი ეკონომისტი კაცი ვარო" - წულუკიანი გახარიას
15:15 / 14-04-2025
გახსოვთ თუ არა, რომ გითხარით: ეს რეზინის ტყვიები რამ გამოგაყენებინათ-მეთქი?! თქვენი პასუხი იცით რა იყო? – „რა ვქნა, ჩემო თეა, ერთი ეკონომისტი კაცი ვარო“, - ასე მიმართა პარლამენტის დროებითი საგამოძიებო კომისიის სხდომაზე, კომისიის თავმჯდომარე თეა წულუკიანმა, შს ყოფილ მინისტრს, პარტია „გახარია საქართველოსთვის“ ლიდერს, გიორგი გახარიას.
წულუკიანმა გახარიას 20 ივნისის მოვლენების შემდეგ, მთავრობის ადმინისტრაციაში გამართული თათბირი შეახსენა.
"მეორე დილით, ნაშუადღევს, დაახლოებით, 12 საათზე, მთავრობა და რამდენიმე დეპუტატი, პრემიერ-მინისტრმა ბახტაძემ შეგვკრიბა მთავრობის კანცელარიაში. თქვენ ოდნავ დაგაგვიანდათ. შემოგვიერთდით, ბევრად არ დაგიგვიანიათ, მაგრამ უკვე ვისხედით. თქვენ სულ განაპირას იჯექით. მე თქვენგან შორს აღმოვჩნდი. ყველანი ვიყავით აღშფოთებულები, რომ ეს უბედურება დაატყდა ზოგიერთ ადამიანს თავს. თქვენც იყავით ძალიან შეწუხებული, ამ დასახიჩრებული ადამიანების გამო. ერთადერთი კითხვა, რაც ყველა კოლეგისგან, მათ შორის ჩემგან იმ თათბირზე ისმოდა, იყო რეზინის ტყვიებთან დაკავშირებით, რატომ იქნა ეს გამოყენებული?! მე რაც გითხარით, გავიმეორებ, გახსოვთ თუ არ გახსოვთ, არ ვიცი. მე გითხარით, ბატონო გიორგი, თქვენ ის მაინც არ გინახავთ - მეთქი ვანო მერაბიშვილმა რეზინის ტყვიები რომ გამოიყენა და ზურგი რომ ჰქონდა დაჩვრეტილი -მეთქი და დასახიჩრებულები რომ იყვნენ ადამიანები, ეს რეზინის ტყვიები რამ გამოგაყენებინათ-მეთქი?! თქვენი პასუხი იცით რა იყო? – „რა ვქნა, ჩემო თეა, ერთი ეკონომისტი კაცი ვარო“. ეს იყო თქვენი პასუხი. ახლა თქვენ იძახით, რომ მე ვიტყუები. რაც გინდათ, ის თქვით“, - განაცხადა წულუკიანმა.
- წულუკიანის მიმართვას გახარიამ უპასუხა: „რა თქმა უნდა, იტყუებით. ეს არის ტყუილი! ქალბატონო თავმჯდომარევ, ეკონომისტი არ ვარ და არ ვიტყოდი, რომ ეკონომისტი კაცი ვარ-მეთქი, ეს არის ტყუილი!“ - აღნიშნა გახარიამ, რაზეც წულუკიანმა უპასუხა: „ეკონომისტიც არ ხართ?“
გარდა ამისა, წულუკიანმა გახარიას ჰკითხა, რაში გამოიხატება 20 ივნისის მოვლენების გამო მის მიერ პოლიტიკური პასუხისმგებლობის აღება, რაზეც გახარია მუდმივად უსვამს ხაზს.
„ჩემი პოლიტიკური პოლიტიკური პასუხისმგებლობააო, ამას ყველგან ამბობთ. თქვენ ისიც ხომ თქვით, რომ ჩვენ რაღაცებს ვერ ვიგებთ, ლამის ქართული ენაც არ ვიცით, ინტელექტში მოვიკოჭლებთ, სულ ამას გვსაყვედურობთ. ჩვენი ყველას ხელმძღვანელი რომ იყავით, მაშინაც, ალბათ, არ მოგწონდათ ჩვენი ინტელექტი. ამიტომ არ გაგიკვირდეთ შეკითხვა, რომ ვერ გავიგე რას ნიშნავს პოლიტიკური პასუხისმგებლობა. იქნებ აგვიხსნათ, პოლიტიკაში ყოფნას აგრძელებთ ისე, რომ ფრანგებს აქვთ გამოთქმა - „თვალებზე არ გცივათ“, აბსოლუტურად გაბედულად, ვითომ „ბალი ორი შაური“. სად არის პოლიტიკური პასუხისმგებლობა? პოლიტიკური პასუხისმგებლობა მე ასე წარმომიდგენია, რომ თქვენ გამოსულიყავით და გეღიარებინათ, რომ ეს ისეთი რაღაც მოხდა, ამის მერე უბრალოდ არ მაქვს პოლიტიკაში ყოფნის უფლებაო. ეს არის პოლიტიკური პასუხისმგებლობა“,- განაცხადა თეა წულუკიანმა, რაზეც გახარიამ უპასუხა, რომ მის მიერ მოყვანილი მაგალითი, პირიქით, „უპასუხისმგებლობა და გაქცევაა“.
„თქვენ რაც თქვით და პოლიტიკური პასუხისმგებლობის მაგალითად მოიყვანეთ, ეს არის უპასუხისმგებლობა და გაქცევა. პოლიტიკური პასუხისმგებლობა ჩემთვის არის ის, რომ თუ რამე შეცდომა დამიშვია, ყოველთვის მითქვამს. ბევრი კარგი საქმეც გამიკეთებია და გაგვიკეთებია ყველას ერთად, მაგრამ შეცდომებიც დამიშვია. მე ამ შეცდომებზე პასუხისმგებლობა რომ მაქვს აღებული, სწორედ ამიტომ ვარ პოლიტიკაში და სახლში კი არ გავქცეულვარ, რაც ბევრს უნდოდა, იმ ტვირთით, შეცდომებით, ასე ვარ. არ მეშინია არც თქვენი კომისიის და არც თქვენი კომისიის“,- განაცხადა გახარიამ, რასაც წულუკიანმა უპასუხა, რომ „ვიცით, ომამდე ტანკისტი იყავით და არ გეშინიათ“.
წაიკითხეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
