მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სტრასბურგის სასამართლომ ანდრო ჭიჭინაძის საჩივარი წარმოებაში მიიღო - “ჯერჯერობით არ იცის ანდრომ, პროცესზე გაიგებს“
15:37 / 02-04-2025
“გვაქვს ძალიან კარგი, საიმედო და ჩვენი მძევლებისთვის მნიშვნელოვანი ინფორმაცია სტრასბურგის სასამართლოდან, სადაც ჩვენ, სულ ცოტა ხნის წინ გავგზავნეთ ანდრო ჭიჭინაძის საქმე, გავასაჩივრეთ მისი უკანონო პატიმრობის საკითხი,- სტრასბურგის ადამიანის უფლებათა სასამართლომ საჩივარი მიიღო“, - ამის შესახებ ადვოკატმა ეკა ბესელიამ ჟურნალისტებს სასამართლოში განუცხადა.
- მისი განმარტებით, აღნიშნულის შესახებ დღეს სასამართლოს მოახსენებენ, რომელიც იხილავს „პოლიტიკური მძევლების და უდანაშაულო ადამიანების, საქართველოს ევროპული მომავლის მცველების საქმეს”.
„ეს მძიმე პოლიტიკური საქმეა და იმ ვითარებაში, როდესაც ქართული ეროვნული სასამართლო ვერ ასხივებს, ვერ გვაჩვენებს სამართლიანობის ვერავითარ მინიმალურს სტანდარტს, ამ დროს, გვაქვს ძალიან კარგი, საიმედო და ჩვენი მძევლებისთვის მნიშვნელოვანი ინფორმაცია სტრასბურგის სასამართლოდან, სადაც ჩვენ, სულ ცოტა ხნის წინ გავგზავნეთ ანდრო ჭიჭინაძის საქმე, გავასაჩივრეთ მისი უკანონო პატიმრობის საკითხი და მოვითხოვეთ რამდენიმე მუხლით, რომელიც არის ევროპული კონვენციით დაცული, ძირითადი უფლებების დარღვევის დადასტურება. ეს ეხება, როგორც მისი თავისუფლების უკანონოდ შეზღუდვას, ასევე საქმის სამართლიან განხილვას, პოლიტიკურ დევნას, შეკრების და გამოხატვის თავისუფლებას. ჩვენ მივიღეთ ძალიან მოკლე დროში დადასტურება, რომ სტრასბურგის ადამიანის უფლებათა სასამართლომ საჩივარი მიიღო უკვე, რეგისტრაციაში გატარდა, მას მიენიჭა კონკრეტული ნომერი. ძალიან საყურადღებოა ის ფაქტი, რომ საჩივრის შესვლიდან დაახლოებით სამ დღეში იყო ძალიან მნიშვნელოვანი კომუნიკაცია სტრასბურგის სასამართლოს მხრიდან. ჩვენ ფრთხილად ვეკიდებით ამ პროცესს, რადგან სტრასბურგის სასამართლოს აქვს ძალიან მაღალი სტანდარტი. იმედი და მოლოდინი გვაქვს, რომ იმ ვითარებაში, როდესაც ქართული სასამართლო და ჯერჯერობით ყველა ის მოსამართლე, ვინც ამ პოლიტიკურ სასამართლოს იხილავს, ვერ აჩვენებენ, რომ მართლმსაჯულებას ემსახურებიან და არა პოლიტიკურ დევნას - ამ მოსამართლეებმა უნდა იცოდნენ, რომ სამართალი აქ არ მთავრდება და რომ ჩვენ გვაქვს იმის ძალა, შესაძლებლობა და სამართლებრივი ბერკეტი, რომ გამოვიყენოთ საერთაშორისო სასამართლოს სამართლიანი პროცედურები”, - განაცხადა ეკა ბესელიამ.
ადვოკატ თორნიკე მიგინეიშვილის თქმით, ადამიანის უფლებათა ევროპულ სასამართლოს მხოლოდ 4 დღე დასჭირდა, რომ ანდრო ჭიჭინაძის საქმეზე საჩივარი მიეღო და დაეწყო მისი განხილვა.
მისი განმარტებით, სტრასბურგში საჩივარი რამდენიმე მუხლითაა გაგზავნილი, კერძოდ, სამართლიანი სასამართლოს უფლება, თავისუფლების აღკვეთა უკანონოდ, პოლიტიკური დევნა და პოლიტიკური ნიშნით განცხადებები, გამოხატვის თავისუფლება და შეკრებისა და მანიფესტაციის უფლებები.
„ჩვენ, პირველივე წარდგენიდან, როდესაც პირველად წარვადგინეთ ანდრო ჭიჭინაძე ვთქვით, რომ ეს იქნებოდა პოტენციური საქმე, რომელიც შესაძლოა გაგრძელებულიყო ადამიანის უფლებათა ევროპულ სასამართლოში. შემდგომ იყო წინასასამართლო სხდომები, სადაც ვთქვით, რომ ანდრო ჭიჭინაძის საჩივარი გაიგზავნა ადამიანის უფლებათა ევროპულ სასამართლოში. ადამიანის უფლებათა ევროპულ სასამართლოს მხოლოდ 4 დღე დასჭირდა, რომ საჩივარი მიეღო და დაეწყო მისი განხილვა. ჯერჯერობით ეს ინფორმაცია არ იცის ანდრომ და პროცესზე გაიგებს და რაც არის მნიშვნელოვანი, დაახლოებით, ერთი კვირა სჭირდება თბილისის სასამართლოს, რომ რაიმე სახის საჩივარი მიიღოს. ამის საპირწონედ კი, მხოლოდ 4 დღე სჭირდება ადამიანის უფლებათა ევროპულ სასამართლოს საჩივრის მისაღებად, რაც ნიშნავს იმას, რომ ის უკვე ხედავს პოტენციურ დარღვევებს ამ საქმეში. უკვე დღეიდან, არამხოლოდ ჩვენ, შიდა დონეზე, არამედ სტრასბურგის სასამართლოც დააკვირდება პროცესებს და იმ მოვლენებზე, რომლებიც განვითარდება, ჩვენ კომუნიკაცია გვექნება ადამიანის უფლებათა ევროპულ სასამართლოსთან”, - განაცხადა თორნიკე მიგინეიშვილმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საპროტესტო აქციებზე დაკავებული მომიტინგეების ოჯახის წევრები 8 აპრილს დაგეგმილი დემონსტრაციისთვის ემზადებიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
