მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩვენ გვემუქრება რუსეთი... გვემუქრება პუტინი. ნატო უნდა მოემზადოს შესაძლო თავდასხმისთვის სულ მცირე ოთხ წელიწადში" - გერმანელი გენერალი
14:08 / 01-04-2025
"გერმანიამ გადაწყვიტა, ისტორია წარსულში დატოვოს და ომისთვის მოემზადოს", - ამ სათაურით გამოაქვეყნა სტატია BBC-მ.
პუბლიკაციაში, რომლის ავტორიც სარა რეინსფორდია, აღნიშნულია, რომ "გერმანიამ მხარი დაუჭირა სამხედრო ინვესტიციების უზარმაზარ ზრდას და ეს მას შემდეგ მოხდა, რა გერმანიის საკანონმდებლო ორგანოში ხმა მისცეს თავდაცვის ხარჯების განცალკევებას სახელმწიფო ვალის მკაცრი წესებიდან".
ბი-ბი-სის რეპორტიორთან საუბარში გერმანელი გენერალი კარსტენ ბროიერი, რომელიც ამჟამად ბუნდესვერის გენერალური ინსპექტორია, აცხადებს, რომ თავდაცვითი ხარჯების ზრდა სასწრაფოდაა საჭირო, რადგან რუსეთის აგრესია უკრაინით არ შემოიფარგლება.
"ჩვენ გვემუქრება რუსეთი... გვემუქრება პუტინი. ყველაფერი უნდა გავაკეთოთ ამის შესაჩერებლად", - ამბობს გენერალი და აღნიშნავს, რომ "ნატო უნდა მოემზადოს შესაძლო თავდასხმისთვის სულ მცირე ოთხ წელიწადში".
რუსეთის სრულმასშტაბიანმა შეჭრამ უკრაინაში ძირეულად შეცვალა აზროვნება გერმანიაში. ხალხს კარგად ესმოდა გერმანიის, როგორც ევროპის აგრესორი ქვეყნის წარსული.
"ორი მსოფლიო ომი დავიწყეთ. მიუხედავად იმისა, რომ მეორე მსოფლიო ომის დასრულებიდან 80 წელი გავიდა, იდეა, რომ გერმანელები კონფლიქტში არ უნდა ჩაერიონ, ჯერ კიდევ ბევრი ადამიანის დნმ-შია", - აცხადებს გერმანიის "მარშალის ფონდის“ წარმომადგენელი მარკუს ზინერი.
თვრამეტი წლის შარლოტა კრეფტი ამბობს, რომ ამ საკითხთან დაკავშირებული შეხედულებები შეეცვალა - "დიდი ხნის განმავლობაში ვფიქრობდით, რომ მეორე მსოფლიო ომში ჩადენილი სისასტიკის ანაზღაურების ერთადერთი გზა დემილიტარიზაცია იყო. მაგრამ ახლა უნდა ვიბრძოლოთ ჩვენი ღირებულებების, დემოკრატიისა და თავისუფლებისთვის".
"მაშინ, როდესაც ისეთი ქვეყნები, როგორებიცაა პოლონეთი და ბალტიისპირეთი ქვეყნები, ფრთხილობდნენ მოსკოვთან ზედმეტად დაახლოებას და გაზარდეს საკუთარი თავდაცვითი ხარჯები, გერმანიის ყოფილ კანცლერს, ანგელა მერკელს მიაჩნდა, რომ რუსეთთან ბიზნესის კეთება სწორი იყო. გერმანიას მიაჩნდა, რომ დემოკრატიზაციას ახორციელებდა, მაგრამ რუსეთმა აიღო ფული და მაინც შეიჭრა უკრაინაში“, - ნათქვამია სტატიაში.
გენერალი კარსტენ ბროიერი ფიქრობს, რომ გერმანიას დასჭირდება ჯარისკაცების რაოდენობის მნიშვნელოვნად გაზრდა.
ამის აუცილებლობის დასაბუთებისთვის, ის მიუთითებს რუსეთის სამხედრო ხარჯებზე. ბროიერი ასევე ლაპარაკობს რუსეთის ჰიბრიდულ ომზე, რაც მოიცავს კიბერშეტევებს, საბოტაჟს, ასევე ახსენებს ამოუცნობ დრონებს, რომლებიც გერმანულ სამხედრო ობიექტებთან შენიშნეს.
"დასავლეთისგან განსხვავებით, რუსეთი არ ფიქრობს ჩარჩოებზე. საქმე არ ეხება მშვიდობიან და საომარ პერიოდებს, ეს არის კონტინუუმი. ეს არის ის, რაც მაფიქრებინებს, რომ ჩვენ ნამდვილ საფრთხეს ვაწყდებით“, - ამბობს გენერალი.
გენერალი ბროიერი მიიჩნევს, რომ გერმანიას სჭირდება დამატებით 100 000 ჯარისკაცი, რათა ადეკვატურად დაიცვას თავი და ნატო-ს აღმოსავლეთი ფლანგი. სულ 460 000, რეზერვის ჩათვლით. გენერალი ამტკიცებს, რომ სამხედრო სამსახურში გაწვევის დაბრუნება კრიტიკულად აუცილებელია.
გენერლის შეფასება მისი ძალების ამჟამინდელი მდგომარეობის შესახებ ეხმიანება პარლამენტს ბოლო მოხსენებას, რომლის მიხედვითაც, ქვეყანას საბრძოლო მასალისა და ჯარისკაცების სერიოზული დეფიციტი აქვს.
YouGov-ის ბოლო გამოკითხვამ აჩვენა, რომ გერმანელების 79% ვლადიმერ პუტინს, "ძალიან" ან "საკმაოდ" საშიშ პოლიტიკოსად მიიჩნევს, ახლა 74%-მა იგივე თქვა დონალდ ტრამპზე.
"ეს იყო ნათელი სიგნალი იმისა, რომ რაღაც ფუნდამენტურად შეიცვალა შეერთებულ შტატებში. ჩვენ არ ვიცით საით მიდის აშშ, ადრე შეგვეძლო 100%-ით მივნდობოდით ამერიკულ დაცვას, როცა საქმე ჩვენს უსაფრთხოებას ეხებოდა - ეს ნდობა ახლა გაქრა“, - განმარტავს გენერალი.
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
