5
მაისიდღის ზოგადი ასტროლოგიური პროგნოზი
ტრაგედია დატრიალდა გუშინ თბილისში, მეტეხის ხიდთან ავტომობილი მტკვარში ჩავარდა. ავტომობილის ამოყვანის სამუშაოები სპეციალური ტექნიკით რამდენიმე საათი მიმდინარეობდა. ავტომობილის ამოყვანის შემდეგ მაშველებმა იქ ცხედარი იპოვეს.
- გარდაცვლილია ახალგაზრდა მამაკაცი 24 წლის გიგი ზარანდია, რომელსაც მეუღლე დარჩა.
მამაკაცი, რომელიც "ფორდის" მარკის ავტომობილით ძლიერად დაეჯახა ხიდის ჯებირს და ამის შემდეგ ავტომობილით მტკვარში გადავარდა. კადრებში ჩანს, რომ შემთხვევით გადარჩა გამვლელი, რომელიც ავტოსაგზაო შემთხვევის დროს ტროტუარზე გადაადგილდება.
გიგი ზარანდია ბაიკერი იყო. ახლობლების ინფორმაციით, წლების წინ სწორედ ბაიკით მოყვა ავარიაში და მაშინ 2 კვირა კომაში იყო. შემდეგ ბაიკი გაყიდა და მანქანა იყიდა.
"ძალიან მეტკინა გული ძმაო ძალიან მენანები ძალიან სიმშვიდეში და ნათელში ძმაო სულ გულში იცოცხლებ"
"გიგი ჩემო ძმაო, რა ქენი ეს ბიჭო, თან წაიღე ყველაფერი" - ასე ემშვიდობებიან ახალგაზრდა ბაიკერს მეგობრები.
რა მოხდა გუშინ ზუსტად მეტეხის ხიდთან, ამის თქმა მის ახლობლებს უჭირთ.
"ტრაგედია ტრიალებს. ადრეც დაემართა ავარია. 2 წლის წინ ბაიკით დაიმტვრა, მაშინ რაღაც პერიოდი კომაში იყო, მერე ბაიკი გაყიდა და ახლა მანქანით დაემართა. არადა მძღოლიც მაგარი იყო და პიროვნულადაც უკარგესი ადამიანი. ცოლი და შვილი დარჩა" - ჰყვებიან მასზე ახლობლები.
- "არ ვთქვა რა ვთქვა, იმხელა უბედურება ტრიალებს. ძალიან კარგი ბიჭი იყო გიგი, ყველანაირად დადებითი. ცოლი ახალი მოყვანილი ჰყავს. თვეების შვილი დარჩა" - ამბობს გარდაცვლილის კიდევ ერთი ახლობელი.
შსს-ს ინფორმაციით, მომხდართან დაკავშირებით გამოძიება 276-ე მუხლით არის დაწყებული.
წაიკითხეთ ასევე:
- "გამორიცხულია, თავი მოეკლა, 10 დღეში ქორწილი უნდა ჰქონოდა... სავარაუდოდ მანქანის მართვის დროს გაითიშა" - რას ჰყვებიან ხობში გიგი ზარანდიაზე
- "ძალიან კარგი მძღოლი იყო..." - რა არის ცნობილი მეტეხის ხიდთან დატრიალებულ ტრაგედიაზე, რომელსაც ახალგაზრდა ემსხვერპლა
