მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საქართველოსა და გერმანიას შორის სამეცნიერო თანამშრომლობის შეჩერება "ოცნების“ პოლიტიკის შედეგია - ქართველ ახალგაზრდებს ივანიშვილის მიერ ძალაუფლების შენარჩუნებისთვის მორიგი ფასის გადახდა უწევთ" - გიორგი გახარია
18:14 / 27-02-2025
საქართველოსა და გერმანიას შორის არსებული სამეცნიერო თანამშრომლობის შეჩერება "ოცნების“ პოლიტიკის პირდაპირი შედეგია, რომელიც უნივერსიტეტებზე ავტორიტარული კონტროლის დამყარებას ცდილობს , - ასე ეხმაურება პარტია "გახარია-საქართველოსთვის“ ლიდერი, გიორგი გახარია გერმანიის განათლებისა და კვლევის ფედერალურმა სამინისტროს გადაწყვეტილებას, გერმანულ-ქართული სამეცნიერო თანამშრომლობის განვითარების შეჩერებასთან დაკავშირებით.
როგორც სოციალურს ქსელში გამოქვეყნებულ პოსტში გიორგი გახარია აცხადებს, ქართველ ახალგაზრდებს "ქართული ოცნების“ საპატიო თავმჯდომარის, ბიძინა ივანიშვილის მიერ ძალაუფლების შენარჩუნებისთვის მორიგი ფასის გადახდა უწევთ, რომელიც გერმანიასა და საქართველოს შორის სამეცნიერო თანამშრომლობის შეჩერებით გამოიხატა.
"ქართველ ახალგაზრდებს ივანიშვილის მიერ ძალაუფლების შენარჩუნებისთვის მორიგი ფასის გადახდა უწევთ. "ოცნებამ“ არ იკმარა თავისუფლების დასაცავად ქუჩაში გამოსული ახალგაზრდების ცემა. რეჟიმი მათ მომავალს და არსებულ შესაძლებლობებს ართმევს. სამწუხაროდ, საქართველოსა და გერმანიას შორის არსებული სამეცნიერო თანამშრომლობის შეჩერება "ოცნების“ პოლიტიკის პირდაპირი შედეგია, რომელიც უნივერსიტეტებზე ავტორიტარული კონტროლის დამყარებას ცდილობს.
მადლობელი ვართ ჩვენი გერმანელი პარტნიორების მხრიდან ქართველი სტუდენტებისა და მკვლევრების მრავალწლიანი მხარდაჭერისთვის. იმედია, ყოველივე ეს დროებითია. მიუხედავად რეჟიმის მცდელობებისა, შეზღუდოს ახალგაზრდები, საქართველოს მომავალი ევროპაშია”,- წერს გიორგი გახარია.
ინფორმაციისთვის, 26 თებერვალს საქართველოში გერმანიის ელჩმა, პეტერ ფიშერმა განაცხადა, რომ მანიის განათლებისა და კვლევის ფედერალურმა სამინისტრომ მიიღო გადაწყვეტილება, გერმანულ-ქართული სამეცნიერო თანამშრომლობის განვითარების შეჩერებასთან დაკავშირებით.
"გერმანიის განათლებისა და კვლევის ფედერალურმა სამინისტრომ გერმანულ-ქართული სამეცნიერო თანამშრომლობის განვითარება შეაჩერა, მათ შორის სტუდენტთა მობილობა, კვლევა და საქართველოს მონაწილეობა ევროკავშირის პროგრამებში - საქართველოს მიერ აკადემიური თავისუფლების შეზღუდვისა და ევროკავშირში გაწევრიანების შეჩერების გამო“, - წერს პეტერ ფიშერი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
