მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დემი მური, სელენა გომესის გარდასახვა..." - Ozempic-ის ფაქტორი და შეწუხებული ფანები: ვინ როგორ გამოიყურებოდა SAG Awards-ზე
13:54 / 24-02-2025
წლის საუკეთესო სატელევიზიო შოუები და კინოსურათები 2025 წლის SAG Awards-ის გლობალურ სცენაზე აღინიშნა. თუმცა, კვირას საღამოს სოციალური მედია წითელ ხალიჩაზე რამდენიმე მსახიობი ქალის საოცრად გამხდარმა ფიგურამ ააფორიაქა.
- ინდუსტრიაში წონის დაკლების წამალ Ozempic-ის მიმართ მიმდინარე ფიქსაციის ფონზე, რამდენიმე ვარსკვლავმა სხეულის აშკარა ტრანსფორმაციით მიიპყრო ყურადღება, როდესაც ისინი *ოს ანჯელესში, Shrine Auditorium-ში გამოჩნდნენ.
ბოლო პერიოდში Ozempic-ის ეპიდემიამ ახალ სიმაღლეებს მიაღწია, უამრავი ცნობილი ადამიანი ან ღიად აღიარებს ამ მედიკამენტის როლს მათ ტრანსფორმაციაში, ან უსიტყვოდ, თვალსაჩინოდ გამხდარი სხეულით იწვევს სპეკულაციებს.
SAG Awards-ზე ოსკაროსანი კეთი ბეიტსი, რომელმაც გაამჟღავნა, რომ წამალი მას 100 ფუნტის დაკლებაში დაეხმარა, თავის გამხდარ ფიგურას შავ კოსტიუმში იწონებდა.
ამასობაში, ბრუკ შილდსი, დემი მური, არიანა გრანდე და ჯორჯინა ჩაპმანი კიდევ უფრო გამხდრები გამოჩნდნენ.
- ფანებმა შენიშნეს: "დემი მური ძალიან გამხდარია..."; "როგორც ჩანს, დამნაშავე შეიძლება, Ozempic იყოს. უკვე გამხდარი ცნობადი სახეებიც კი დნებიან. ნახეთ ნიკოლ კიდმანისა და ბრუკ შილდსის ბოლოდროინდელი ფოტოები. საშინელებაა!!"
62 წლის მურმა თავისი მოქნილი ფიგურა შავ, სხეულზე მომდგარ კაბაში წარმოაჩინა, როდესაც საუკეთესო მსახიობი ქალის ჯილდო მიიღო ფილმში The Substance, საშინელებათა კინოსურათში დაბერებული მსახიობის შესახებ, რომელიც ახალგაზრდობის დასაბრუნებლად რადიკალურ ზომებს მიმართავს.
ფილმისთვის მოსამზადებლად, ის მკაცრ დიეტასა და ვარჯიშის რეჟიმს მისდევდა, მათ შორის ველოსიპედით სიარულსა და ცეკვის კარდიოს.
მურს გადაღებების დროს ასევე ჰერპესის მარტივი ფორმა შეეყარა, რამაც, მისი თქმით, 20 ფუნტის დაკლება გამოიწვია.
ნიუ-იორკელმა წონის დაკლების ექიმმა, სიუ დეკოტიისმა DailyMail.com-ს განუცხადა: "დემის ლავიწის ძვლები ძალიან გამოკვეთილია. ჩანს, რომ იქ საერთოდ არ არის ცხიმი. კისრის მყესები უჩანს."
- პლასტიკურმა ქირურგმა, დოქტორმა დენის შიმპფმა კი აღნიშნა, რომ გამოკვეთილი ლავიწი მყარი "მტკიცებულებაა" იმისა, რომ ვარსკვლავი Ozempic-ს ან მის მსგავს პრეპარატს იყენებს.
"იმ ადამიანების თავი, რომლებმაც დრამატულად დაიკლეს წონაში, განსაკუთრებით კი ამ წონის დასაკლები წამლებით, თითქოს, ძალიან დიდი ჩანს სხეულთან შედარებით", - დაამატა ქირურგმა.
SAG Awards-ზე თავისი გარეგნობით არიანა გრანდემაც მიიპყრო ყურადღება.
წითელი ხალიჩისთვის მან მხრებმოშვებული კაბა მოირგო ნაოჭიანი კაპიუშონით, მოლივლივე ბადისებრი შლეიფითა და ნაზი ვარდისფერი ყვავილოვანი აქცენტებით.
შილდსმა ვერცხლისფერი, სხეულზე მომდგარი კაბა აირჩია, რომელიც შესამჩნევად უფრო გამხდარ სილუეტს უსვამდა ხაზს.
- თავისი შესამჩნევად გამხდარი ფიგურით სელენა გომესმაც გაკვირვება გამოიწვია.
თუმცა, მან განაცხადა, რომ მისი წონის ცვალებადობაზე მისი ლუპუსის მედიკამენტებია პასუხისმგებელი.
სოციალური მედიის ერთმა მომხმარებელმა შენიშნა, რომ გომესი "ყოველ ჯერზე სხვანაირად გამოიყურება", როცა ჩნდება.
Golden Globes-ზე მისი გამოჩენის შემდეგ, შიმპფმა DailyMail.com-ს განუცხადა, რომ გომესი "ნამდვილად გამხდარია," მაგრამ ის არ არის "გამოფიტული ან ჩამომხმარი, რაც ჩვეულებრივ, მედიკამენტის მთავარი მაჩვენებელია ხოლმე."
"მისი შემთხვევა ყველაზე რთული იქნებოდა დასადგენად. გამიკვირდებოდა, მას ეს რომ გაეკეთებინა, მისი სხვა სამედიცინო პრობლემებისა და საწყისი წონის გათვალისწინებით, რომელიც ისედაც, არც ისე მძიმე იყო", - აღნიშნა პლასტიკურმა ქირურგმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
