მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“ზონის დატბორვა“, “სენსორული გადატვირთვა“ და ა.შ. - სტრატეგიები, რომელსაც ტრამპი პოლიტიკაში დომინირებისთვის იყენებს: “პირველად ეს პუტინმა გამოიყენა"
11:55 / 20-02-2025
ერთი თვეც არ არის გასული მას შემდეგ, რაც დონალდ ტრამპმა მეორე ვადით დაიწყო აშშ-ის პრეზიდენტის მოვალეობის შესრულება და უკვე ახორციელებს თავის დაპირებულ პროგრამებს “სინათლის სისწრაფით“.
20 იანვარს გამართული მისი ინაუგურაციის შემდეგ, ტრამპმა შეიწყალა 2021 წლის 6 იანვრის კაპიტოლიუმის არეულობაში მონაწილე პირები, შეწყვიტა უცხოური დახმარება, დაიწყო არალეგალური იმიგრაციის განადგურება, შემოიღო ტარიფები ჩინეთს წინააღმდეგ და უამრავი ხმაურიანი განცხადება გააკეთა.
ღაზის “ახლო აღმოსავლეთის რივიერად“ გადაქცევის გეგმის მიღმა, მსოფლიოს ყურადღების ცენტრში ყველაზე მეტად ტრამპის ერთ-ერთი პოლიტიკური სტრატეგია - რუსეთთან ურთიერთობების გაღრმავება მოექცა. მან უკვე მოახერხა რუსეთის პრეზიდენტ ვლადიმერ პუტინთან სატელეფონო საუბარი. გარდა ამისა, ელ-რიადში აშშ-სა და რუსეთის ოფიციალური დელეგაციების პირველი შეხვედრა შედგა მას შემდეგ, რაც რუსეთმა უკრაინაში ომი დაიწყო.
დონალდ ტრამპის მომხრეები ყველა ამ ქმედებას წინასაარჩევნო დაპირებების შესრულებად მიიჩნევენ, თუმცა, ანალიტიკოსები სხვა რამეს ფიქრობენ... ისინი დარწმუნებულნი არიან, რომ ასეთი სწრაფი, ქაოსური და ხმაურიანი გადაწყვეტილების მიღება, უპირველეს ყოვლისა, მიზნად ისახავს ოპონენტების შესუსტებას.
- საუბარია ტექნიკაზე სახელით - "ზონის დატბორვა" (აღნიშნული ტაქტიკა და გამოთქმა, მოდის ამერიკული ფეხბურთიდან და ახლა გამოიყენება როგორც პიარ ტერმინი). ტრამპმა ეს ტაქტიკა უკვე გამოიყენა თავისი პირველი საპრეზიდენტო ვადის დროს. ექსპერტების თქმით, და ახლა მას უფრო ფართო მასშტაბით იყენებს.
რა არის ეს სტრატეგია და რის მიღწევას ცდილობს ტრამპი?
სპორტიდან პოლიტიკამდე
ტერმინი “ზონის დატბორვა“ ჰქვია სტრატეგიას ამერიკულ ფეხბურთში, რომლის დროსაც შემტევი გუნდი მოწინააღმდეგის დაცვას მოედნის კონკრეტულ მხარეში "პრესავს", რათა შემდეგში მისი სუსტი მხარეები გამოიყენოს.
BBC ტრამპის ყოფილი მთავარი მრჩევლის, სტივ ბენონის პოზიციას გვიზიარებს.
ბენონმა 2018 წელს განმარტა, რომ ტრამპის რეალური მთავარი ოპონენტი იყვნენ არა დემოკრატები, არამედ მედია. პრესის “მოტყუების“ ერთ-ერთი გზაა “ზონის დატბორვა“, ანუ - “ველის ყველანაირი სისულელეებით შევსება“. დიდი მოცულობის აბსოლუტური და ყურადღების გამფანტველი ხმაური თავის საქმეს შესანიშნავად ასრულებს.
კრიტიკოსების დაბნევა და სტრატეგია, რომელიც ოპონენტებს ერთი ნარატივის გარშემო გაერთიანებაში შეუშლის ხელს
დომინირება - როგორ “კარნახობს საუბრის პირობებს“ ტრამპი?
“ტრამპი არ ადგენს მხოლოდ დღის წესრიგს - ის ამუშავებს მას. ტაქტიკა - “ზონის გადატვირთვა“ უზრუნველყოფს იმას, რომ ვერანაირი დაპირისპირება [მის საკამათო ქმედებებთან დაკავშირებით] ვერ მიიპყრობს ყურადღებას იმდენ ხანს, რომ [მას] გრძელვადიანი ზიანი მიადგეს. სკანდალები, რომლებიც სხვა პოლიტიკოსებს ჩაძირავდა, მის შემთხვევაში სუსტად შეიმჩნევა“, - განუცხადა BBC-ს კრიზისული კომუნიკაციების ფირმის Red Banyan-ის აღმასრულებელმა დირექტორმა ევან ნირმანმა.
ნირმანი ტრამპის სტრატეგიას “გათვლილს“ უწოდებს და დასძენს, რომ მისი მიზანია ახალ ამბებში დომინირება. აშშ-ის ახალი პრეზიდენტი თავისი აქტიურობით დღის წესრიგს ისე მჭიდროდ ავსებს, რომ საბოლოოდ ის “კარნახობს საუბრის პირობებს“ - ოპონენტებს კი მხოლოდ ისღა დარჩენიათ, რომ მის დღის წესრიგზე ჰქონდეთ რეაგირება.
“პოლიტიკოსების უმეტესობა ფრთხილობს ახალი ინიციატივების დანერგვას, მაგრამ ტრამპი ყველაფერს უმალ აქცევს შოუდ. იქნება ეს პოლიტიკური გადაწყვეტილება, სასამართლო საქმე თუ სპონტანური განცხადება, სტრატეგია იგივე რჩება: ყოველთვის გადადი თავდასხმაზე, გააკონტროლე შინაარსი და არ მისცეთ კრიტიკას ფეხის მოკიდების საშუალება“, - აღნიშნავს ნირმანი.
ოპოზიციის შესუსტება
მიჩიგან-დიბორნის უნივერსიტეტის პროფესორი, მაიკლ მონტგომერი ამბობს, რომ ტრამპის ეს სტრატეგია პოლიტიკურ ოპოზიციას აბნევს.
”ეს ხალხს და ჯგუფებს აიძულებს გაიფანტონ თავიანთ მოსაზრებებში/პოზიციებში და არაკოორდინირებულად ებრძოლონ მას. შედეგად, ეს ამცირებს იმის ალბათობას, რომ ოპონენტები მის [ტრამპის] წინააღმდეგ გაერთიანებას შეძლებენ,” - ამბობს მონტგომერი.
სტრატეგია Friday drop
მედია კომპანია Criterion Global-ის თანადამფუძნებელი, კეტრინ კარტრაიტი სტრატეგიის კიდევ ერთ ნაწილზე მოგვითხრობს.
Friday drop არის ტაქტიკა, როდესაც ქვეყნისთვის განმსაზღვრელი საკამათო გადაწყვეტილებები ცხადდება ხოლმე კვირის ბოლოს და მისი განხილვა დიდხანს ვერ გრძელდება, რადგან როგორც წესი, შაბათ-კვირას საზოგადოების ყურადღება იკლებს.
კარტრაიტს მაგალითად მოჰყავს Fox News-ის ყოფილი წამყვანის, პიტ ჰეგსეტის დანიშვნა აშშ-ის თავდაცვის მდივნის პოსტზე. კრიტიკოსები ამტკიცებდნენ, რომ ჰეგსეთს არ ჰქონდა გამოცდილება აღნიშნული თანამდებობისთვის, თუმცა, რადგან მისი დანიშვნა პარასკევს დადასტურდა, “ორშაბათს დილით ფაქტი უკვე გაქრა ახალი ამბების დღის წესრიგიდან“.
"სენსორული გადატვირთვა"
დემოკრატი კონგრესმენი ჯეიმი რასკინი ტრამპის ინტენსიურ ტემპს აღწერს, როგორც "სენსორული გადატვირთვა".
პროფესორი, მაიკლ მონტგომერი მიიჩნევს, რომ საბოლოოდ - “სენსორული თუ ზონის გადატვირთვა“ გულისხმობს ქაოსის შექმნას, რომელიც ამოწურავს ოპოზიციას და ზრდის ხმაურის დონეს იმ იმედით, რომ უფრო მეტი ამერიკელი გამოეთიშება ქაოსურ მსჯელობებს და უკან დაიხევს.
გამოიყენებოდა “ზონის დატბორვის“ სტრატეგია ადრე?
2020 წლის თებერვალში, შონ ილინგმა Vox-ის სტატიაში აღნიშნა, რომ ამ სტრატეგიის ფართო გამოყენება პოსტსაბჭოთა რუსეთში, ვლადიმერ პუტინმა დაიწყო.
“პუტინმა გამოიყენა მისი კონტროლის ქვეშ მყოფი მედია, რათა შეექმნა დეზინფორმაციის ნისლი, რამაც ხელი შეუწყო საზოგადოებაში უნდობლობას ყველაფერთან დაკავშირებით - უნდობლობა საკმარისია იმისათვის, რომ საზოგადოებას არ შეეძლოს და არ სურდეს გაერთიანება რაიმე იდეის გარშემო“, - წერს გამოცემა.
თუმცა არის ერთი განსხვავება - ტრამპი იყენებს სტრატეგიას საზარელი სიჩქარით, ფილტრების გარეშე და სრულად არაპროგნოზირებულად.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
