მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პუტინის მორიგი გეგმა, "ფარული ომი"? - "მალე უნდა ველოდოთ ტერორისტული თავდასხმების ზრდას ევროპაში": როგორია კრემლის პასუხი ბრალდებებზე
19:35 / 16-01-2025
პუტინის რუსეთი ევროპულ მიწაზე „ჰიბრიდული“ თავდასხმების ორკესტრირებაში დაადანაშაულეს.
ექსპერტი კეირ ჯაილსი აცხადებს, რომ სამომავლოდ დასავლეთში ტერორისტული თავდასხმების რიცხვი გაიზრდება. მისი მტკიცებით, პუტინი არ მოერიდება მასობრივი მსხვერპლის გამოწვევას რუსეთის "ფარული ომის" შემდეგ ფაზაში.
გასულ წელს ბრიტანეთის ანტიტერორისტული პოლიცია იძიებდა რუსეთის მონაწილეობას საქმეში, რომელიც დიდი ბრიტანეთისკენ მიმავალი თვითმფრინავის ამანათში ცეცხლგამჩენი მოწყობილობის დამალვას ეხებოდა. მოწყობილობა საბოლოოდ საწყობში აფეთქდა და მსხვერპლი არ მოჰყოლია.
”ჩვენ მალე უნდა ველოდოთ რუსეთის სახელმწიფოს ტერორისტული თავდასხმების ზრდას ევროპაში,” - ამბობს ჯაილსი.
- მანამდე პოლონეთის პრემიერ-მინისტრმა განაცხადა, რომ რუსეთი გეგმავდა "საჰაერო ტერორის" აქტებს ავიახაზების წინააღმდეგ მთელ მსოფლიოში, აწყობდა დივერსიას პოლონეთის მიწაზე და მის ფარგლებს გარეთ.
რუსეთს დიდი ხანია ადანაშაულებენ ლატვიის, ლიტვისა და ესტონეთის არჩევნებში ჩარევაში - ნოემბერში, ლიტვაში მომხდარ საბედისწერო ავიაკატასტროფას სახელმწიფოს მკვეთრი პასუხი მოჰყვა:
"ჩვენ ვხედავთ, რომ რუსეთი უფრო აგრესიული ხდება. უცხოელი პარტნიორები საბოტაჟისა და ტერორიზმის გარკვეულ საფრთხეზე საუბრობენ“, - განაცხადა სახელმწიფო უსაფრთხოების დეპარტამენტის ხელმძღვანელმა დარიუს იაუნიშკისმა.
ეჭვები გაძლიერდა, როდესაც გასული წლის მაისში, ბერლინში ქიმიურ ქარხანას ცეცხლი გაუჩნდა, როგორც გაირკვა ფირმა უკრაინისთვის იარაღს აწარმოებდა. დასავლეთის უშიშროების ოფიციალურმა პირებმა ივნისში განაცხადეს, რომ Diehl Metal Applications-ში ცეცხლი რუსმა დივერსანტებმა გააჩინეს, რომლებიც ცდილობდნენ კრიტიკული იარაღისა და საბრძოლო მასალის გადაზიდვის შეფერხებას.
პოლონეთის პრემიერ-მინისტრმა დონალდ ტუსკმა გუშინ, ვარშავაში უკრაინის პრეზიდენტ ზელენსკისთან შეხვედრის დროს რუსეთის წინააღმდეგ არსებული ბრალდებები გაიმეორა და აღნიშნა, რომ პუტინი ევროპის "შეშლას" ცდილობს.
"შემიძლია დავადასტურო ამ შიშების მართებულობა. რუსეთი გეგმავდა საჰაერო ტერორის აქტებს არა მხოლოდ პოლონეთის, არამედ მთელ მსოფლიოს ავიახაზების წინააღმდეგ."
კრემლი ტუსკის ბრალდებებს უარყოფს.
"ეს სხვა არაფერია, თუ არა რუსეთის წინააღმდეგ სრულიად დაუსაბუთებელი ბრალდება", - განაცხადა კრემლის სპიკერმა დიმიტრი პესკოვმა.
თავდაცვის წარმომადგენლები ამბობენ, რომ ევროპა მსგავსი თავდასხმისთვის მოუმზადებელია და არ გააჩნია რესურსები ეფექტური წინააღმდეგობის გასაწევად.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
