5
მაისიდღის ზოგადი ასტროლოგიური პროგნოზი
ქეით მიდლტონი 43 წლის გახდა - უელსის პრინცესას იუბილეს აღსანიშნავად, პრინცმა უილიამმა წყვილის საერთო "ინსტაგრამგვერდზე" პოსტი გამოაქვეყნა და მეუღლეს დაბადების დღე მიულოცა:
"ყველაზე ძლიერ ცოლსა და დედას. ძალა, რომელიც შენ გასული წლის განმავლობაში აჩვენე, გასაოცარია. ჯორჯი, შარლოტა, ლუი და მე ძალიან ვამაყობთ შენით. გილოცავ დაბადების დღეს, კეტრინ. გვიყვარხარ“, - წერს პრინცი უილიამი.
პოსტს თან ახლდა უელსის პრინცესას აქამდე უცნობი შავ-თეთრი პორტრეტი, რომელიც გადაღებულია გასულ ზაფხულს, ფოტოგრაფი მეტ პორტეუსის მიერ.
შეგახსენებთ, რომ გასულ წელს ქეით მიდლტონმა X-ზე ვიდეო გამოაქვეყნა, რომელშიც ამბობდა, რომ სიმსივნის დიაგნოზი დაუსვეს. უელსის პრინცესამ ვიდეომიმართვაში აღნიშნა, რომ ქიმიოთერაპიის კურსი თებერვლის ბოლოს დაიწყო, თუმცა არ დაუკონკრეტებია სიმსივნის ტიპი. მიდლტონის თქმით, სიმსივნე ექიმებმა მას შემდეგ აღმოაჩინეს, რაც პრინცესამ 2024 წლის 16 იანვარს კლინიკაში გეგმური მუცლის ღრუს ოპერაცია გაიკეთა, თუმცა "იმ პერიოდში მიიჩნეოდა, რომ მდგომარეობა არ იყო სიმსივნური".
