მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“არ მინდა ჩემი ქვეყანა დაბნელდეს - არ შეიძლება რომ სამოქალაქო ომამდე მივიდეთ, არ შეიძლება გაუთავებლად გვატყუებდნენ ხან ყოფილი ხელისუფლებით, ხან ომით“ - ნინო სუხიშვილი “ხორუმსა“ და მიმდინარე მოვლენებზე
23:56 / 24-12-2024
ანსამბლ “სუხიშვილების“ დირექტორმა, ნინო სუხიშვილმა “ტელეკომპანია პირველთან“ საქართველოში მიმდინარე პროცესები შეაფასა და წუხილი გამოხატა აქციაზე დაკავებული, ნაცემი ახალგაზრდების გამო.
მისი თქმით, ქვეყანაში არსებული “გახლეჩილი საზოგადოება“ მთავრობის პასუხისმგებლობაა.
“მინდა სოლიდარობა გამოვხატო ყველა პატიმრის, დაზარალებულის, ნაცემის, დასახიჩრებული ადამიანის მიმართ, რომელიც ასე უმოწყალოდ გაიმეტა ჩვენმა ე.წ. ხელისუფლებამ. იმ ახალგაზრდებს, ვინც ქუჩებში დგანან უკვე თითქმის ერთი თვეა, შიში არ აქვთ. მათ ვერავინ შეაშინებს. ეს რისკიანი თაობაა, რომელიც თავისუფალ საქართველოში დაიბადა, რომელიც იბრძვის თავისი ქვეყნისთვის, მომავლისთვის და თავისუფლებისთვის.
თავისუფლება ხომ მხოლოდ სიტყვა არაა, მას მოპოვება უნდა, ბრძოლაა საჭირო და ეს ის თაობაა, რომელიც არ გაჩერდება, არავის დაემონება. მათ არ უნდათ რუსეთის გუბერნიად გადააქციონ საქართველო, მათ უნდათ მომავალი.
ეს ის თაობაა, რომელშიც პირიქით, უნდა ჩადონ ინვესტიცია, გვერდში დაუდგნენ და მოუსმინონ. რატომ არის დღეს გახლეჩილი საქართველო? - ეს ხომ მთავრობის პასუხისმგებლობაა? როდესაც ადამიანს განსხვავებული აზრი აქვს, ეს ხომ არ ნიშნავს, რომ ის არ არის შენი მოქალაქე. მთავრობაა დამნაშავე რომ დღეს ერი შუაზეა გახლეჩილი. ახალგაზრდები მთელი ღამით დგანან ქუჩაში. ეს ხომ 100 ათასობით ადამიანია, მართლა 300 და 400 კაცი ხომ არ არის.
უსასრულოდაც რომ გაგრძელდეს, მჯერა რომ ახალგაზრდები თავის სათქმელს იტყვიან. იციან, რომ მათი მომავალი არის ევროპაში, მათი მომავალი არის დემოკრატიულ ქვეყანაში ცხოვრება, სადაც იქნება აზრის თავისუფლება, სადაც პატივს სცემენ განსხვავებულ აზრს. თუ ჩვენ პრეტენზია გვაქვს რომ ადამიანები ვართ, არ შეიძლება ასე უმოწყალოდ მოექცე შენს თანამემამულეს,“ - განაცხადა “სუხიშვილების“ ხელმძღვანელმა.
მისი თქმით, ანსამბლში არასოდეს ჰქონია კამათი პოლიტიკური მიკუთვნილობის გამო.
“მე პირადად ანსამბლში 100-ზე მეტი ადამიანი მყავს. იქაც არის განსხვავებული აზრი. დაახლოებით 65-60% უფრო ოპოზიციურად არის განწყობილი, სადღაც 35 -40% შეიძლება არ იყოს ასე განწყობილი და “ქართული ოცნების“ მომხრე იყოს, მაგრამ არასდროს არ არის ჩვენთან ამაზე არც პოლემიკა, არც ჩხუბი, არც კამათი. საერთოდ არც ვიცი ვის რა აზრი აქვს და არც მაინტერესებს.
არ მინდა რომ ჩემი ქვეყანა დაბნელდეს, პროპაგანდის მსხვერპლი გახდეს ჩემი ხალხი, რომელიც აბსოლუტურად არის გადმოღებული რუსული პროპაგანდისგან. ამით ხალხს ვერ მოატყუებ, მითუმეტეს ახალგაზრდა თაობას.
არ შეიძლება რომ მივიდეთ სამოქალაქო ომამდე, არ შეიძლება გაუთავებლად გვატყუებდნენ ხან ყოფილი ხელისუფლებით, ხან ომით... ეს არ არის სერიოზული. მე თავს ვთვლი პატრიოტად, მთელი ცხოვრება ეროვნულ საქმეს ვაკეთებ და მინდა რომ ჩემს ქვეყანას ევროპისკენ ჰქონდეს გეზი და არა შავ-ბნელი რუსეთისკენ,“ -აღნიშნა ნინო სუხიშვილმა.
ქორეოგრაფმა გაიხსენა შემთხვევები, როდესაც მისი თქმით, აქციაზე მის ახლობლებს ფიზიკურად გაუსწორდნენ:
“მე პირადად ვიცი შემთხვევები რომელიც გაშუქებულიც არ არის. ჩემი ახლობლები რა დღეში ჩააგდეს, როგორ სცემეს არაფრის გულისთვის. არა რუსთაველზე, არამედ პატარა, მიხვეულ ქუჩებში. სახლებში მიმავალი ხალხი, სადარბაზოებიდან გამოიყვანეს. წარმოუდგენელია ასეთი დამოკიდებულება,“ - ნინო სუხიშვილმა აქციაზე შესრულებული “ხორუმი“ შეაფასა.
“ხორუმი“ არ არის მარტო საბრძოლო ცეკვა, ეს არის ერთიანობის ცეკვა, გამარჯვებისკენ წინსვლის ცეკვა. ვთვლი, რომ ბაბუაჩემმა, ილიკო სუხიშვილმა ძეგლი დაიდგა ამ ცეკვის შექმნით და ის ხაზი, რომელიც მან გამოიგონა ყველა ქართველმა იცის. იმიტომაც ჩაება მთელი მოსახლეობა. ყველა ჩაება ხორუმის ხაზში.
ძალიან ამაღელვებელი, სასიამოვნო იყო ეს ყველაფერი ამ მძიმე დღეებში,“ - აღნიშნა სუხიშვილმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
