6
მაისიდღის ზოგადი ასტროლოგიური პროგნოზი
12 წელია დაისვენა ქვეყანამ, არც ომში ხარ და არც უკრაინის სიტუაცია არ გვაქვს - ამ ქვეყნის აწიოკება გინდა? არ გამოგივა! - ასე მიმართა “ვრ ჰოლდინგის” დამფუძნებელმა, ნოშიკო ნამორაძემ ჟურნალისტს პრემიერ-მინისტრთან დაგეგმილი შეხვედრის დაწყებამდე.
"12 წელია დაისვენა ქვეყანამ, არც ომში ხარ და არც უკრაინის სიტუაცია არ გვაქვს. მოგწონს, რაც უკრაინაში ხდება? უკრაინა მოგწონს? გეკითხები, მოგწონს უკრაინაში რაც ხდება? რა უქნეს ქვეყანას, ნახეთ? იგივე გინდა, რომ აქ იყოს? აწიოკება გინდა ამ ქვეყნის? არ გამოგივა,“ - განაცხადა მან.
- ნამორაძემ საქართველოში მიმდინარე აქციების კომენტირებისას განაცხადა, რომ ძალადობის მომხრე არ არის, „მაგრამ ყველაფერს აქვს დასაწყისი და მიზანმიმართულობა“.
"ზუსტად ყველაფერი გამიზნულად მოხდა იმისათვის, რომ ახალგაზრდები საზარბაზნე ხორცად დაეტოვებინათ იქ. დატოვეს საზარბაზნე ხორცად... არ ვარ ძალადობის მომხრე, მაგრამ ყველაფერს აქვს დასაწყისი და ყველაფერს აქვს მიზანმიმართულობა. ახლა ავალ პრემიერთან. რომ ჩამოვალ, გეტყვით ჩემს სათქმელს,“ - განაცხადა ნამორაძემ.
- თბილისისა და ბათუმის საერთაშორისო აეროპორტების ოპერატორი კომპანია TAV Georgia-ს გენერალურმა მენეჯერმა, თეა ზაქარაძემ პრემიერთან შეხვედრამდე განაცხადა, რომ თუ ქვეყანაში მიმდინარე მოვლენები ასე გაგრძელდა ინვარ-თებერვალში ბიზნესზე აუცილებლად აისახება.
"ჩვენი ყველას პოზიცია ის არის, რომ რაც გასაკეთებელია სახელმწიფომ უნდა გააკეთოს, უნდა გადაიდგას ნაბიჯი იმისკენ, რომ ყველა დამშვიდდეს და თუ საჭირო იქნება, რომ კომპრომისული ნაბიჯი გადაიდგას - ესეც უნდა გადაიდგას.
მე ერთადერთი შემიძლია ის ვთქვა, რომ ჩვენ, აეროპორტს სტაბილურობა გვჭირდება ქვეყანაში. აუცილებლად გამოვიყენებთ ამ პლატფორმას იმისთვის, რომ ჩვენი აზრი დავაფიქსიროთ ბიზნესმა. ხომ იცით რომ დავაფიქსირებთ? ბიზნესზე ეს ყველაფერი პირდაპირ აისახება. ჩემს გარდა 80-100 კაცია, თუ მომეცა აზრის გამოხატვის საშუალება, აუცილებლად დავაფიქსირებ.
მე პოლიტიკაში ვერ ჩავერევი. მხოლოდ იმას ვიტყვი, რომ ქვეყანას და ჩვენს ბიზნესს - ავიაციას სიმშვიდე და სტაბილურობა სჭირდება. თუ ამისთვის ახალი არჩევნები იქნება გამოსავალი, ეს ნაბიჯი უნდა გადაიდგას.თუ ეს ყველაფერი ასე გაგრძელდა ინვარ-თებერვალში ბიზნესზე აუცილებლად აისახება“, - განაცხადა თეა ზაქარიძემ.
- არსის" დირექტორის ბესო ორთოიძის თქმით, მოლოდინი აქვს, რომ ბიზნესსექტორი პრემიერისგან პასუხებს მიიღებს.
„ბიზნესს, 2000-ზე მეტ კომპანიას, მათ შორის ჩვენს კომპანიასაც დაფიქსირებული გვაქვს, რომ მნიშვნელოვანია სასწრაფოდ დეესკალაცია. ამისთვის მოთხოვნილი გვაქვს ვადამდელი არჩევნები და პატიმრების გამოშვება. მოვუსმენთ და ალბათ, მათგანაც მივიღებთ პასუხს“, - განაცხადა ბესო ორთოიძემ.
ბიზნესმენმა, ირაკლი იაშვილმა განაცხადა, რომ ის არ უერთდება ბიზნესმენების ნაწილის პეტიციას.
„დამპატიჟეს და მოვედი. 30 წელიწადია, ასეთ რეჟიმში ცხოვრობს ეს ქვეყანა, ჩვენც მათ შორის. ახლა მინდა, გავიგო, მომავალში ჩვენ რა გველოდება, როგორ გავაგრძელოთ ცხოვრება, როგორ მივხედოთ ეკონომიკას. ლარის კურსზე რომ მიმდინარეობს შეტევა, ეს სწორად მიგაჩნიათ თქვენ? - ეს ნალოლიავები, 30 წელი ნაკუწ-ნაკუწ ვაგროვეთ ეს ქვეყანა, ეკონომიკა და ლარი. ჩამოვაქციოთ ლარი - მესმის მოთხოვნები და არ ვუერთდები ამ მოთხოვნას, რომ ლარი ჩამოვაქციოთ.
მე არ ვიცი პოლიტიკა ბიზნესმენმა და პოლიტიკოსმა თავის საქმეს უნდა მიხედოს, ოღონდ ისე, რომ მე ვიყო კმაყოფილი. მე არ ვუერთდები პეტიციას“, - განაცხადა ირაკლი იაშვილმა.
ცნობისთვის, მთავრობის ადმინისტრაციაში პრემიერ-მინისტრი, ირაკლი კობახიძე ბიზნესსექტორის წარმომადგენლებს ხვდება.
