"მის საფრანგეთი" 34 წლის ბორტგამცილებელი გახდა - კონკურსის ისტორიაში ის ყველაზე "ხანდაზმული" გამარჯვებულია (ფოტოები)
ანჟელიკა ანგარნი-ფილოპონი, 34 წლის ბორტგამცილებელი, საფრანგეთის კარიბის ზღვის კუნძულ მარტინიკადან გახდა "მის საფრანგეთი 2024"
კონკურსის ისტორიაში ის ყველაზე "ხანდაზმული" გამარჯვებულია.
ფილოპონიმ მონაწილეობის მიღება კონკურსში მას შემდეგ შეძლო, რაც ორგანიზატორებმა ასაკობრივი ზღვარი შეცვალეს
ფინალში მონაწილეობა მიიღო ოცდაათმა კანდიდატმა, მათ შორის ექიმებმა და სტომატოლოგებმა. .
"2011 წელს, 20 წლის ახალგაზრდა ქალმა Miss Martinique-ის კონკურსში მეორე ადგილი დაიკავა. დღეს სწორედ ეს ახალგაზრდა, 34 წლის ქალი დგას თქვენს წინაშე, რათა კიდევ ერთხელ წარადგინოს მარტინიკა, მისი დიასპორა და ქალები, რომლებსაც ასაკის გამო ბევრ რამეზე უთხრეს უარი", - ნათქვამია კონკურსის ორგანიზატორების მიერ გავრცელებულ ინფორმაციაში.
აღსანიშნავია, რომ "მის საფრანგეთის" გამარჯვებული გამოვლენამდე რამდენიმე დღით ადრე, ნიდერლანდებში სილამაზის კონკურსი გაუქმდა. ორგანიზატორებმა განაცხადეს, რომ ისინი ყურადღებას წარმატებულ ქალებსა და მათ ისტორიებს დაუთმობენ.