"თურმე გადაიდო ნაძვის ხის ანთება - მგონი, ბარბარობაზე ჩემთან მოდიან" - პრეზიდენტი აქციაზე მივიდა: რა თქვა ზურაბიშვილმა

რუსთაველის გამზირზე, სადაც აქცია მიმდინარეობს, საქართველოს პრეზიდენტი სალომე ზურაბიშვილი მივიდა.

• ისმის მოქალაქეების შეძახილები - "სცენაზე", რითაც ისინი სალომე ზურაბიშვილს მიმართავენ.

"არ გვინდა არც სალომე, სალომე, არც მადლობა, მადლობა. აქ ვართ ორი რამის გამო, მშვიდობა და სამართლიანობა გვინდა. ამისთვის საჭიროა ახალი არჩევნები" - თქვა პრეზიდენტმა.

სალომე ზურაბიშვილმა ისაუბრა თბილისის მერიის გადაწყვეტილებაზე, რომლის თანახმად, დღეს დაგეგმილი ნაძვის ხის ანთების ცერემონია გადაიდო.

"თურმე გადაიდო ამ საღამოს ამ ნაძვის ხის ანთება. მე მგონია, ბარბარობაზე ჩემთან მოდიან. მინდა, გისურვოთ მშვიდობიანი საღამო. არ იყოს აქ არანაირი პროვოკაცია. ნაძვის ხის ანთება ამ საღამოს აღარ იქნება. თქვენ, ყველანი ერთად იყავით მშვიდობიანად, იყავით ერთად და მე ვარ თქვენთან ერთად იმიტომ, რომ აქ, არც ერთ პროვოკაციას არ დავუშვებთ. მე ვარ თქვენთან, თქვენ ხართ ჩემ გულში”, - მიმართა სალომე ზურაბიშვილმა რუსთაველზე მყოფ მოქალაქეებს.

აღსანიშნავია, რომ დღეს თბილისის მერიას ნაძვის ხის ანთება ჰქონდა დაგეგმილი, თუმცა ღონისძიება გადადო.

როგორც კახა კალაძემ აღნიშნა, ადგილზე უკვე ჰქონდა ადგილი პროვოკაცია, რის გამოც მოქალაქეების უსაფრთხოების მიზნით, აღნიშნული გადაწყვეტილება მიიღო.

წაიკითხეთ ასევე:

• "მივიღეთ გადაწყვეტილება, რომ გადავდოთ საახალწლო ნაძვის ხის ანთება, საზეიმო ღონისძიება" - კალაძის საგანგებო განცხადება