მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სიყვარულის გამო მიტოვებული ევროპული ცხოვრება და უარი ჰარვარდის უნივერსიტეტზე - რა არის ცნობილი ასადის ცოლზე, რომელიც მძიმე სენს ებრძვის
12:28 / 11-12-2024
სირიელმა დიქტატორმა ბაშარ ალ ასადმა ოჯახთან ერთად დამასკოდან მოსკოვს შეაფარა თავი, მას შემდეგ რაც მისი რეჟიმი საბოლოოდ დაეცა. ახლა ის რუსეთში ცხოვრობს ცოლთან და შვილებთან ერთად.
- დიქტატორის მეუღლე ასმა ალ-ასადი, რომელიც ლონდონში გაიზარდა, წლების წინ სირიის უკეთესი მომავლის იმედი გახდა. ის ასოცირდებოდა დემოკრატიასა და ელეგანტურობასთან.
ასმა ასადი 2011 წლამდე უცხოურ მედიაში აღტაცებას იწვევდა, სადაც მას პოზიციასა და ინოვაციურ იდეებს დიდად აფასებდნენ. თუმცა, ქალმა საბოლოოდ სხვა გზა აირჩია და დიქტატორის მფარველი გახდა.
ასმა ასადი დაიბადა და გაიზარდა ლონდონში, სირიული წარმოშობის მუსლიმანურ ოჯახში, მიიღო უმაღლესი განათლება. ინგლისში მას ემას ეძახდნენ. სწავლის დასრულების შემდეგ კი მუშაობდა ფინანსურ ანალიტიკოსად დიდ ბანკებში.
დამასკოში, ნათლიის დაბადების დღეზე, ასმა ბაშარ ასადს შეხვდა, რომელიც მაშინ ჯერ კიდევ პრეზიდენტი არ იყო. მათი რომანი სწრაფად განვითარდა და 2000 წლის დეკემბერში საიდუმლოდ იქორწინეს. ასმამ ბრიტანეთში ძველი ცხოვრება დატოვა და უარი თქვა ჰარვარდის უნივერსიტეტზე.
როგორ მოახდინა ასმა ალ ასადმა დასავლეთზე შთაბეჭდილება
სანამ ასმა პრეზიდენტის მეუღლე იყო, ის არ ჩნდებოდა საზოგადოებაში, თუმცა მოგვიანებით, როცა ქმარმა უცხოეთში ოფიციალურ ვიზიტები დაიწყო, ქალმა ადგილობრივი მედიის ყურადღება მიიქცია. სანამ მისი ქმარი ბაშარ ასადი რეფორმატორისა და ლიბერალის იმიჯს იქმნიდა, პოპულარული ხდებოდა ასმაც.
ქალმა შეიცვალა სტილი, დაიწყო საერთაშორისო ფორუმებზე სიარული, საუბარი განათლებასა და სამოქალაქო უფლებებზე. ასმა ასადი ზრუნავდა საკუთარ რეპუტაციაზე სირიაშიც, ისწავლა არაბული და გადაწყვიტა ქვეყნის კულტურული ძეგლების აღდგენაზე ეზრუნა.
მას ადარებდნენ ჯაკლინ კენედის, ეძახდნენ არაბ პრინცესა დაიანას. 2009 წელს პრეზიდენტთან ერთად შეხვდნენ ბრედ პიტი და ანჯელინა ჯოლი.
2010 წელს ასმამ ინტერვიუ მისცა ჟურნალი Vogue-ს, სადაც მას „უდაბნოს ვარდი და – ყველაზე ახალგაზრდა და მიმზიდველი პირველი ლედი უწოდეს".
ის კვლავ საუბრობდა სირიის განახლებასა და დემოკრატიული ფასეულობების მნიშვნელობაზე, თუმცა 2012 წლის დასაწყისში ქვეყანაში სამოქალაქო ომი დაიწყო.
როგორ იქცა „უდაბნოს ვარდიდან“ სისხლიან დიქტატორის ცოლად
ომის დაწყების შემდეგ ასმა ასადი დიდი ხანი ეწინააღმდეგებოდა გავრცელებულ ხმებს, რომ თითქოს ბრიტანეთში დაბრუნდა საცხოვრებლად. დასავლეთი ელოდა პირველი ლედის პოზიციას – გააგრძელებდა ის დემოკრატიული ფასეულობების დაცვას თუ ქმარს დაეხმარებოდა. მოგვიანებით ასმა მიტინგზე გამოჩნდა.
"პრეზიდენტი არის მთელი სირიის პრეზიდენტი, არამხოლოდ გარკვეული ჯგუფის, და პირველი ლედი მხარს უჭერს მას ამ როლში," – ეს იყო ასმა ასადის პირველი საჯარო კომენტარი.
ამ დღის შემდეგ, სირიაში მიმდინარე სამხედრო მოქმედებების ფონზე, ასმა ასადის რეპუტაცია განადგურდა. თუმცა ამაზე დიდად არ ღელავდა. ქალი ზღვისპირა ბინაში გადავიდა საცხოვრებლად. საკუთარ გარდერობს მოდურ კოლექციებიდან ავსებდა, მხოლოდ ლუქს მაღაზიებიდან და ბრენდებიდან.
იცვამდა მხოლოდ Christian Louboutin-ის ფეხსაცმელებს, იკეთებდა ძვირადღირებულ სამკაულებს. ამ დროისთვის Vogue-მა მისი ინტერვიუ საკუთარი პლატფორმიდან წაშალა. ეს სერიოზული პირადი მარცხი აღმოჩნდა ასმასთვის.
იმის მიუხედავად, რომ ბაშარ ასადი ძალაუფლების შესანარჩუნებლად იბრძოდა და სისხლიან დიქტატორად და სამხედრო დამნაშავედ იქცა, მისი ცოლი, რომელიც ფინანსების სფეროს სპეციალისტი იყო, სირიის ეკონომიკის მართვაში ჩაერთო.
ასმამ დაიწყო რამდენიმე ბიზნესი, ასევე ჰქონდა საკუთარ საქველმოქმედო ორგანიზაცია, რომელიც 2007 წელს შექმნა. სანამ ქვეყანა ინგრეოდა, ასმა ასადი მდიდრდებოდა. მის ხელში იყო ტელეკომუნიკაციები, უძრავი ქონება, ბანკები.
"როცა საუბრობენ იმ ადამიანებზე, ვინც ომში გამდიდრდა, მნიშვნელოვანია ასმა ასადის როლი გააზრება. ის იყო ვარდი უდაბნოში, მაგრამ ახლა იქცა სირიის რკინის ლედად," – წერდა დასავლური მედია.
2020 წელს აშშ-მ პირადი სანქციები დააკისრა ასმა ალ ასადს.
2018 წელს გავრცელდა ინფორმაცია, რომ ასმა ასადს გულ-მკერდის სიმსივნის დიაგნოზი დაუსვეს. ის აქტიურად საუბრობდა საკუთარ დაავადებაზე, აცხადებდა რომ სირიის კლინიკებში მკურნალობდა. შემდეგ, ერთი წლის განმავლობაში, პრეზიდენტის მეუღლე ქიმიოთერაპიის კურსებს გადიოდა: ამის გამო ასმას თმა დასცვივდა და საზოგადოებაში თავსაბურავი დაიწყო გამოჩენა.
საბოლოოდ ქალმა დაავადება დაამარცხა და უდაბნოს ვარდი, სოციალურ ქსელში აქტიურად დაბრუნდა. ის ძველებურად ხვდებოდა ხალხს თავისი საქველმოქმედო კომპანიის აქციების ფარგლებში.
2024 წლის მაისში ასმა ალ ასადს მწვავე მიელოიდური ლეიკემიის დიაგნოზი დაუსვეს. ამის შემდეგ ქალი გაქრა სოციალური ქსელიდან და საზოგადოებაში აღარ გამოჩენილა.
ასმასა და ბაშარას სამი შვილი ჰყავთ – 23 წლის ჰაფეზი, 21 წლის ზეინი და 20 წლის კარიმი. უფროსი საჯაროდ მხარს უჭერდა თავის მამას, ხოლო ქალიშვილისა და უმცროსი ვაჟის შესახებ ძალიან ცოტა რამ არის ცნობილი.
ასმა ასადის სტილი
სირიის პირველ ლედის სტილს აფასებდნენ, როგორც ზომიერსა და მკაცრს. ის კარგად აერთიანებდა კლასიკას და აღმოსავლურ ელემენტებს. მისი მოდა იყო იმედის საფუძველი და ცვლილებების მოლოდინი, განსაკუთრებით ქალთა უფლებების მხრივ სირიაში.
მნიშვნელოვანია, რომ ასმა ასადის საოცარი იმიჯის მიღმა იმალებოდა მილიონობით დოლარი, რომელიც ომის საშუალებით მიიღო. ასმა და ბაშარ ალ ასადებმა 24 წლიანი ქორწინების შემდეგ დამასკოს მდიდრულ რეზიდენცია დატოვა, და მათი მდიდრული დინასტია სირიაში საბოლოოდ დაიმსხვრა.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
