“ვგრძნობდი, რომ “ბათინკებს“ მირტყამდნენ, ისე მაგრად მაჭერდნენ თავზე“ - “ტვ პირველის“ ოპერატორი გიორგი შეწირული
“ტვ პირველის“ ოპერატორი გიორგი შეწირული - დამაგდეს, კიდევ კარგი მოვასწარი თავზე ხელის შემოხვევა, ვგრძნობდი, რომ “ბათინკებს“ მირტყამდნენ
“მეგონა სპეცრაზმს გაურბოდნენ, თურმე ჩვენკენ მორბოდნენ და ჩვენ უნდა ვეცემეთ - დამაგდეს, კიდევ კარგი მოვასწარი თავზე ხელის შემოხვევა. ვგრძნობდი, რომ “ბათინკებს“ მირტყამდნენ,“ - ამის შესახებ “ტვ პირველის“ ოპერატორი გიორგი შეწირული აცხადებს, რომელიც მასზე თავდასხმის დეტალებს იხსენებს.
როგორც გიორგი შეწირული აღნიშნავს, თავდამსხმელები “ტვ პირველის“ გადამღებ ჯგუფს უშვერი სიტყვებით ლანძღავდნენ და ასევე სიცოცხლის მოსპობით ემუქრებოდნენ.
ინგოროყვას კლინიკაში ტვინის შერყევით, ჭრილობებით და დაზიანებებით მოთავსებული გიორგი შეწირული ამბობს, როგორო უსწორდებოდნენ მას და "შაბათის ეთერის" გამომძიებელ ჟურნალისტს ტიტუშკების 30-მდე წარმომადგენელი და როგორ წაართვეს კამერა.
“მე და მაკა ვმუშაობდით რუსთაველზე, მოგვიწია ბესიკის ქუჩაზე ასვლა. ე.წ. ტიტუშკები ორ ადამიანს უსწორდებოდნენ სასტიკად. 20-30 მდე პირი იყო ნიღბებში და 2 ადამიანს უმოწყალოდ ურტყამდნენ. ჩვენი კამერა რომ დაინახეს, ეგრევე შეეშვნენ, ვიღაც შორიდან იძახდა - “კარგი ეყოს, გაუშვით“. ამის მერე ჩვენზე გადმოვიდნენ. ერთი ნიღბიანი ტიპი მოვიდა და უშვერი სიტყვებით გვლანძღავდა. სიცოცხლის მოსპობით გვემუქრებოდნენ და შემდეგ რამდენიმე ნაბიჯი გადადგა უკან. ამის შემდეგ რაღაცაზე საუბრობდნენ და უცებ წამოვიდა ჩვენკენ 30-მდე პირი.
მეგონა სპეცრაზმს გაურბოდნენ, თურმე ჩვენკენ მორბოდნენ და ჩვენ უნდა ვეცემეთ. შემდეგ თქვეს, რომ კამერა წაართვითო, მე რომ არ გადამეღო. უცებ წამგლიჯეს ყველაფერი, კაბელი გაწყვიტეს. დამაგდეს, კიდევ კარგი მოვასწარი თავზე ხელის შემოხვევა. ვგრძნობდი, რომ “ბათინკებს“ მირტყამდნენ. ისე მაგრად მაჭერდნენ თავზე... კადრები ვნახე და თურმე ვიღაც ტყუპი ფეხით მირტყამდა თავზე.
ასეთი არაადამიანურობა არ მინახავს“,- განაცხადა გიორგი შეწირულმა.
“ტვ. პირველის“ ოპერატორს გიორგი შეწირულს და ჟურნალისტს მაკა ჩიხლაძეს სამსახურებრივი მოვალეობის შესრულების დროს ნიღბიანი პირები თავს დაესხნენ. ორივე მათგანი კლინიკაშია გადაყვანილი. ორივეს თავის ტვინის შერყევა აღენიშნება.
იხილეთ ასევე:
- “დამეტაკნენ, წამაქციეს, მირტყეს: “შე ბ**ო რას იღებო“, წიხლი მომაყოლა და მომაძახა...“ - რას ჰყვება მაკა ჩიხლაძე მასზე და ოპერატორზე თავდასხმის შესახებ
- კობა ხაბაზის თქმით, 50-მდე ნიღბიანი პირი თავს დაესხა - ფოტოები პარტიის ოფისიდან, სადაც ცოტა ხნის წინ ხმაური იყო
- “წინ მიდგას პატრული და 30 “ტიპი“ “დუბინკით“ მცემს, ესენი უყურებენ...“ - მსახიობ გიორგი მახარაძეს რამდენიმე პირი ფიზიკურად გაუსწორდა