“დამეტაკნენ, წამაქციეს, მირტყეს: “შე ბ**ო რას იღებო“, წიხლი მომაყოლა და მომაძახა...“ - რას ჰყვება მაკა ჩიხლაძე მასზე და ოპერატორზე თავდასხმის შესახებ
ცოტა ხნის წინ, პარლამენტის მიმდებარედ, ნიღბიანი პირები თავს დაესხნენ „ტვ პირველის“ გადამღებ ჯგუფს. დაშავებულია ჟურნალისტი მაკა ჩიხლაძე და ოპერატორი გიორგი შეწირული.
მაკა ჩიხლაძემ თავდასხმის შესახებ დეტალები გაიხსენა:
“ჩვეულებრივ მირტყეს მეც სახეში.
გვქონდა ინფორმაცია, რომ აქ “ტიტუშკები“ თავს ესხმოდნენ აქციის მონაწილეებს, რომლებსაც არ აძლევდნენ აქციაზე მისვლის საშუალებას. მოვედით თუ არა, ხელჩართული ბრძოლა იყო და დავიწყეთ გადაღება. გამოცვივდა რამდენიმე ადამიანი. ალბათ, 30-ზე მეტი იყო ჯამში, რასაც შევხედე უცებ. ყველას ერთნაირი ნიღაბი უკეთია - პირატები ახატიათ, შავი ნიღბებით, შეუძლებელია მათი იდენტიფიცირება, თვალები უჩანთ მხოლოდ.
გამოცვივდნენ, მე დამეტაკნენ, წამაქციეს, მირტყეს: “შე ბო*ო რას იღებ“ - ზუსტად ასე მომმართავდნენ. ამ დროს ვხედავდი, რომ გიორგი შეწირულს წაართვეს აბსოლუტურად ყველაფერი.
ერთი აღმოჩნდა, ვინც უთხრა, რომ - “გოგოა თავი დაანებე“ და წიხლი მომაყოლა მაინც. სულ დახეული მაქვს ყველაფერი. წიხლი მომაყოლა და მომაძახა: “თქვენ რეებს აშუქებთ, წადით აქედან მოშორდით.“
ჩვენთან ერთად აქ ვხედავდი გოგოებს, რომლებსაც ჩანთები ააგლიჯეს, მოჰპარეს და წაიღეს. აქ იდგა პატრულიც,“ - განაცხადა მაკა ჩიხლაძემ “ტვ პირველთან“ საუბარში.
იხილეთ ასევე: