"მეგობრის შვილის გამოსაყვანად შევედი წინა პერიმეტრზე. დამაკავეს სამ კაცთან ერთად, მანქანაში შემტენეს და ფიზიკურად გაგვისწორდნენ" - რას ჰყვება გიორგი ნაკაშიძე
მსახიობი გიორგი ნაკაშიძე, რომელიც აქციაზე დააკავეს, ამ დროისთვის გათავისუფლებულია. ნაკაშიძე სოციალურ ქსელში დაკავების მომენტს იხსენებს.
"სახლში ვარ უკვე, მეგობრის შვილის გამოსაყვანად შევედი წინა პერიმეტრზე. დამაკავეს სამ კაცთან ერთად, მანქანაში შემტენეს და ფიზიკურად გაგვისწორდნენ, გადამცეს პატრულს რომელიც სპეცრაზმისგან განსხვავებით კარგად გვექცეოდა მეც და იქ მოყვანილ ადამიანებს.
ჯოჯოხეთს უწყობენ ადამიანებს!
დიდი მადლობა ყველას, ვისაც გული შეგტკივათ!
მიყვარხართ ყველა განურჩევლად სხვადასხვა შეხედულებებისა!
ჩვენს მრავალტანჯულ საქართველოს გაუმარჯოს!" - წერს გიორგი ნაკაშიძე.