მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსთავი, ფოთი, ბათუმი... - უკვე რამდენიმე დღეა, საპროტესტო აქციები რეგიონებში გრძელდება
22:25 / 03-12-2024
რუსთავში მოქალაქეებმა საპროტესტო მსვლელობა გამართეს. დემონსტრანტებმა მსვლელობა ქალაქის შემოსასვლელიდან, თამარ მეფის მოედნიდან დაიწყეს და თავისუფლების მოედანზე, რუსთავის მერიის წინ დაასრულეს.
რუსთავის მერიასთან მყოფი აქციის მონაწილეები ქალაქის მერთან, ნინო ლაცაბიძესთან შეხვედრას და მის მიერ სპეცრაზმის ძალადობრივ მოქმედებებზე მკაფიო პოზიციის დაფიქსირებას ითხოვენ.
რუსთავში საპროტესტო აქციაზე იმყოფებიან ოპოზიციონერი პოლიტიკოსებიც.
“მე იმიტომ ვარ რუსთავში, რომ გავამხნეო ჩვენი მხარდაჭერები და ყველა ის ადამიანი, ვინც ეწინააღმდეგება რუსულ პოლიტიკას საქართველოში. არ დარჩენილი დემოკრატიული ქვეყანა, რომელთანაც კონფლიქტი არ ჰქონდეს “ქართულ ოცნებას“ და მის ე.წ. კრიმინალურ ბანდას“. ჩვენი ამოცანაა ვიაროთ ყველა ქალაქში, სოფელში და ვუთხრათ მხარდამჭერებს, რომ მარტო თბილისში, რუსთაველის გამზირზე არ წყდება საქართველოს ბედი, საქართველოს ბედი წყდება თითოეულ ქუჩაზე“, - განაცხადა რუსთავში აქციაზე მყოფმა “ძლიერი საქართველოს“ ლიდერმა, მამუკა ხაზარაძემ.
რუსთავში საქართველოს ევროპული კურსის მხარდასაჭერი საპროტესტო აქცია მეოთხე დღეა იმართება.
ბათუმში აქციის მონაწილეებმა რამდენიმე ქუჩა გადაკეტეს - ქალაქის შესასვლელში საავტომობილო მოძრაობა პარალიზებულია
მოქალაქეები ბათუმის მთავარი შემოსასვლელისკენ მიემართებიან, სადაც საპროტესტო აქციას გამართავენ. გადაკეტილია გორის ქუჩაც. ქალაქის შესასვლელში საავტომობილო მოძრაობა პარალიზებულია.
“ხელისუფლება იძალადებს? უფრო მეტი გამოვალთ და დავუპირისპირდებით რუსულ რეჟიმს. გადავკეტავთ ყველა ქუჩას და ჩვენ ხმას გაიგებენ ყველგან. ამ ისტორიულ შანს საქართველო არ დაკარგავს, რადგან ქვეყნის უმრავლესობას ევროპული მომავალი სურს”, - აცხადებენ აქციის მონაწილეები.
საპროტესტო აქცია გაიმართა ფოთშიც. მოქალაქეები ნიკო ნიკოლაძის კოშკთან შეიკრიბნენ და ქვეყანაში მიმდინარე პროცესებს გააპროტესტეს.
“ჩვენი მთავარი მიზანია, ჩვენი ქვეყანა, ჩვენი სამშობლო გათავისუფლდეს ერთხელ და სამუდამოდ პუტინის მარწუხებისგან და პუტინის მომხრეებისგან. ყველამ იცის, საერთაშორისო საზოგადოებამაც, რომ არჩევნები გაყალბდა და არალეგიტიმურია დღევანდელი ხელისუფლება, რომელიც ძალადობს ჩვენს მოქალაქეებზე და ცდილობს, რომ შეინარჩუნოს ძალაუფლება”, - აცხადებენ აქციის მონაწილეები.
დემონსტრანტებმა ფეხით მსვლელობა მოაწყვეს. თავდაპირველად ისინი წინასწარი დაკავების იზოლატორთან მივიდნენ, სადაც მათი ინფორმაციით, ბათუმში მიმდინარე აქციის დროს უკანონოდ დაკავებული მოქალაქეები არიან მოთავსებული და მათ მხარდაჭერა გამოუცხადეს.
მოგვიანებით კი, აქციის მონაწილეებმა მერიის ადმინისტრაციულ შენობასთან გადაინაცვლეს. მათი განცხადებით, აქციები პერმანენტულად გაგრძელდება და მოსახლეობას აქტიური ჩართულობისკენ მოუწოდებენ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
