ირაკლი ღარიბაშვილი განცხადებას ავრცელებს

“ქართული ოცნების“ თავმჯდომარე ირაკლი ღარიბაშვილი ეხმაურება გავრცელებულ ინფორმაციას იმის შესახებ, რომ ის გადადგა. მისი თქმით, აღნიშნული დეზინფორმაციის გავრცელება საზოგადოების შეცდომაში შეყვანას ეხმაურება.

• განცხადებას “ქართული ოცნება“ ავრცელებს.

“დღეს, რადიკალური ოპოზიციის მიერ კონტროლირებადმა მედიასაშუალებებმა გაავრცელეს ტყუილი, თითქოს დავტოვე “ქართული ოცნება“. ამ დეზინფორმაციას აქვს ერთადერთი მიზანი - საზოგადოება შეიყვანონ შეცდომაში და გამოიწვიონ ხელოვნური აჟიოტაჟი.

ხაზგასმით მინდა აღვნიშნო, რომ ვაგრძელებ მუშაობას “ქართული ოცნების“ თავმჯდომარის პოზიციაზე, ვარ ჩვენი გუნდის წევრი და ყველა სხვა შინაარსის ინფორმაცია სიმართლეს არ შეესაბამება,“ - აღნიშნულია განცხადებაში.

ამასთან, პარტია “ქართულ ოცნებაში“ ირაკლი ღარიბაშვილის გადადგომის შესახებ გავრცელებულ ინფორმაციას არ ადასტურებენ.

დღეს, “ტვ პირველმა“ და “მთავარმა არხმა“ გაავრცელეს ინფორმაცია, რომ “ქართული ოცნების“ თავმჯდომარემ, ირაკლი ღარიბაშვილმა თანამდებობა დატოვა და პარტიიდან წავიდა. მედიასაშუალებები ამის ერთ-ერთ მიზეზად ირაკლი ღარიბაშვილის ბიზნესში წასვლას ასახელებდნენ.

იხილეთ ასევე:

• “ქართულ ოცნებაში“ ირაკლი ღარიბაშვილის გადადგომის შესახებ გავრცელებულ ინფორმაციას არ ადასტურებენ
• "გავრცელებული ინფორმაცია, რომ ირაკლიმ პროტესტის ნიშნად დატოვა "ქართული ოცნება", სიმართლეს არ შეესაბამება" - რას წერს ღარიბაშვილის ცოლისძმა