მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რუსთაველის თეატრი მუდამ ეპიცენტრში და მოწოდების სიმაღლეზეა... ამბობენ, რობიკოზე საშინელება დაწერესო" - ნანა ფაჩუაშვილი წუხანდელ მოვლენებზე
12:57 / 30-11-2024
"ყველას გადაეცით, რომ რუსთაველის თეატრის კარი ამ წუთებში ღიაა და ნაცემი და დახუთული “უსამშობლოები” აფარებენ თავს, იმიტომ, რომ ნებისმიერი სახელმწიფო თეატრი ეკუთვნის ხალხს და მორჩა!" - სოციალურ ქსელში რეჟისორი დათა თავაძე...
წუხელ გავრცელებული ინფორმაციით, აქციის მონაწილეებმა რუსთაველის თეატრის სარეკლამო ბანერი ჩამოხსნეს და მას თავის დასაცავად გამოიყენებენ. ასევე, გახსნილი იყო რუსთაველის თეატრის კარები და შენობაში აქციის მონაწილეებს შესვლაც შეეძლოთ.
- ქართველი მსახიობი ნანა ფაჩუაშვილი 1964 წლიდან რუსთაველის თეატრის სცენაზეა. მას მიმდინარე მოვლენების შესახებ ვკითხეთ აზრი...
- ვერაფერს გეტყვით, რაც საქართველოში ხდება, ამ შეტაკების შემყურე იმდენად ცუდად ვარ, ისეთ ემოციებში, სიტყვის თქმის ძალაც აღარ მაქვს, ორი ღამეა საერთოდ არ მიძინია..
პირველ რიგში გაუგებრობა! ადამიანებს ერთმანეთის აღარც მოსმენა უნდათ და აღარც გაგება. ოპოზიციას ვგულისხმობ, ამ ახალგაზრდებს არაფრის მოსმენა არ უნდათ, არ იციან და ასე სპონტანურად თავს რაღაც სისულელეებს სწირავენ. იქითა მხარეზეც რა გითხრათ, როგორღაც ყველას ყველაფერი უნდა გავაგებინოთ. არ იყო ეს შეტაკება საჭირო, აბსოლუტურად არ იყო ჩვენი ქვეყნისთვის სასურველი.
- წუხელ რუსთაველის თეატრს შეაფარა ხალხმა თავი და ამან ყველას ის გაახსენა, როცა უმძიმეს დროს კახი კავსაძემ რუსთაველის თეატრის კარი გააღო და უამრავი ადამიანი გადაარჩინა...
- დიახ, მაგრამ მხოლოდ კახი კავსაძე არ იყო იქ... იმ დროს იქვე ვიყავი, რუსთაველის თეატრის ძალიან ბევრი მსახიობი იქ ვიყავით და ყველაფერი ძალიან დეტალურად ვიცი! ეს ბუნებრივია ასე იქნება, აბა რა, როცა ხალხს ჭირდება... ახლა რუსთაველის თეატრში შუშები ჩაგვიტეხეს, რობერტ სტურუაზე საშინელება დაწერეს.
- და რუსთაველის თეატრმა მაინც გაუღო მათ კარები?
- მაინც არა, რუსთაველის თეატრს კარი უნდა გაეღო, აბა სხვანაირად როგორ უნდა ყოფილიყო?! რობიკომ იმხელა რამ დატოვა ჩვენი ქვეყნისთვის ხელოვნებაში, ზუსტად ამას გეუბნებით, რომ ამ ახალგაზრდებმა ეს უნდა იცოდნენ! არ იციან და უნდა გავაგებინოთ, ლექცია იქნება თუ რაც იქნება, უნდა იცოდნენ, რა, როგორ არის, რა ქვეყანაში ვცხოვრობთ.
დარწმუნებული ვარ, თავად ოპოზიცია ტელევიზორებთან ისხდნენ და ისე უყურებდნენ, რაც ხდებოდა. ახალგაზრდები ასე გადარიეს და ამ ზომამდე მიიყვანეს, თორემ არაფერი ისეთი არ ყოფილა... აქ ღირსებაზე იყო საუბარი, თუ მე შენ ასე მექცევი, მე მაქვს უფლება, დაგიბრუნოო, თორემ ევროპიდან გავალო და ვიზალიბერალიზაცია არ იქნებაო, ეს ყველაფერი ხომ ტყუილია?!
წინა მიტინგებზეც ასე დააზიანეს რუსთაველის თეატრი, ვეებერთელა შუშა ჩაამსხვრიეს. ახლა ამბობენ, რომ რობიკოზე საშინელება დაწერესო. მე არ მინახავს. არა უშავს რობიკოს ბევრი რამე გამოუცდია. ისტორიამ უკვე თქვა რობიკო ვინც არის! რუსთაველის თეატრი ყოველთვის ეპიცენტრში იყო, იქნება და ყოველთვის ღირსეულად იდგება!
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
