“თუ ისე დავსახიჩრდებით, რომ გადაადგილება ვერ მოვახერხოთ, ალბათ უფრო ბედნიერები იქნებიან“ - ინგა გრიგოლია მედიაზე თავდასხმის შესახებ
“რა თქმა უნდა, ეს არის სადამსჯელო ოპერაცია ჟურნალისტების და მედიის წარმომადგენლების წინააღმდეგ. მათ უნდათ რომ ჩვენ გავქრეთ, უბრალოდ აღარ ვარსებობდეთ და სადაც წაიწევიან, ყველა ჟურნალისტს და ოპერატორს როგორ მდგომარეობაში აგდებენ ხომ ხედავთ,“ - ამის შესახებ ტელეწამყვანმა ინგა გრიგოლიამ განაცხადა, რომელიც ამჟამად რუსთაველის გამზირზე მიმდინარე აქციაზე იმყოფება.
მისი თქმით, აქციაზეა მისი შვილიც.
“ეს არის მიზანმიმართული კრიტიკული არხების მიმართ, რომ არ იყოს გადაღებული მტკიცებულებები. რაც შეიძლება ნაკლები კადრი ნახოს მაყურებელმა. ეს არის გამიზნული და საერთოდ უნდათ რომ ჩვენ გავქრეთ.
თუ ისე დავზარალდებით და დავსახიჩრდებით, რომ გადაადგილება ვერ მოახერხონ, ალბათ ესენი უფრო ბედნიერები იქნებიან. ესენი არიან უბრალოდ სადისტები. შოკისმომგვრელია ის ამბავი, რაც ახლა ხდება დედაქალაქის შუაგულში, რაც ორი დღეა ტრიალებს ამ ქალაქში. ეს არის წარმოუდგენელი სისასტიკე“, - განაცხადა გრიგოლიამ.