5
მაისიდღის ზოგადი ასტროლოგიური პროგნოზი
კიმ კარდაშიანმა თაყვანისმცემლები ელონ მასკის 30 ათას დოლარიან Tesla Bot-თან გამართული უცნაური ფოტოსესიით, არც მეტი, არც ნაკლები- შოკში ჩააგდო. გამომწერებმა კარდაშიანს “უცნაური“ უწოდეს მას შემდეგ, რაც ვარსკვლავმა ილონ მასკის 30 000 დოლარიან Tesla Bot-თან ფოტოსესია გამართა.
44 წლის კარდაშიან -ჯენერების ოჯახის ვარსკვლავმა Tesla Model S-ში, Tesla Bot-თან საკმაოდ უხერხულად იპოზიორა.
ფუმფულა შავ ქურთუკში, გამჭვირვალე კოლჰოტებში და შავ წინდებში გამოწყობილი კიმი ძვირადღირებულ მანქანასთან პოზირებდა.
ამავე დროს Tesla Bot საჭესთან, მამაკაცისთვის დამახასიათებელ ჩვეულ პოზაში იჯდა. ცალი ფეხი კი მიწაზე ედო.
კადრები კარდაშიანმა ინსტაგრამზე სამშაბათს გააზიარა.
თუმცა, გამომწერებისგან კრიტიკა მიიღო და ის ქანიე უესტის ცოლის, ბიანკა ცენსორის მიბაძვაშიც დაადანაშაულეს.
ერთ-ერთ ფოტოს, სადაც კიმს Tesla Bot-ის ხელი უჭირავს, "უხერხული" და "საშინელი" უწოდეს.
ზოგიერთმა დაწერა, რომ “რობოტის სექსუალიზაცია აღმაშფოთებელია“.
“ეს ძალიან უცნაურია... რა სამარცხვინოა; კიმი უკვე გვაშინებს; საზიზღრობაა“ - წერდნენ ვარსკვლავის თაყვანისმცემლები.
Tesla Bot რობოტის დებიუტი, რომელიც განკუთვნილია სამრეწველო და საყოფაცხოვრებო გამოყენებისთვის, 30 სექტემბერს AI Day-ზე შედგა.
“Tesla Bot-ის შექმნილია იმისათვის, რომ ჩაანაცვლონ ადამიანები მოსაწყენ და სახიფათო დავალებებში. ისინი მოემსახურებიან მილიონობით ოჯახს. შეასრულებენ დავალებებს, მაგალითად როგორიცაა საჭმლის მომზადება, გაზონების თიბვა და მოხუცების მოვლა“, - წერს მასკი ჟურნალ China Cyberspace-ში გამოქვეყნებულ ინფორმაციაში.
რობოტი ახლოსაა ზრდასრული ადამიანის სიმაღლესთან და წონასთან, შეუძლია აიღოს მძიმე საგნები, ჩქარა სიარული და აქვს ეკრანი სახეზე ადამიანებთან კომუნიკაციისთვის.
აღსანიშნავია, რომ ბოლო დროს Tesla Bot ულტრა მდიდრების ახალ გასართობად იქცა. სულ უფრო მეტი მილიონერი და მილიარდერი ყიდულობს რობოტს და მათთან ერთად გადაღებულ სახალისო ვიდეოებს სოციალურ ქსელებში ავრცელებენ.
იხილეთ ასევე:
- კიმ კარდაშიანმა პრინცესა დაიანას უძვირფასესი ჯვარი მოირგო, რომელიც აქამდე არავის ჰკეთებია - როგორ აღმოჩნდა სამეფო ოჯახის საკუთრება, ცნობილი ვარსკვლავის ხელში?
- კიმ კარდაშიანის ცეცხლოვანი ფოტოსესია - რა კადრებს უზიარებს რეალითი შოუების 43 წლის ვარსკვლავი ფანებს
